Форексын туршлагатай болон болон шинэ арилжаачдад зориулсан эрсдэлийн менежментийн гарын авлага

2026.01.15 2024.12.24 Форексын туршлагатай болон болон шинэ арилжаачдад зориулсан эрсдэлийн менежментийн гарын авлага

Жана Кейн (Jana Kane)https://www.litefinance.org/mn/blog/authors/jana-kane/

Арилжаа нь дижиталчлал болон хурдан гүйлгээний улмаас нэмэгдсээр байгаа олон эрсдэлийг дагуулдаг байна. Форекс зах зээлийн өдөр тутмын арилжааны хэмжээ 6.6 их наяд доллар байдаг бөгөөд их хэмжээний эрсдэлээс гадна ашиг олох боломжтой бас байдаг. Энэхүү гарын авлага нь Форекс арилжаачдын эрсдэлийн менежментийн шинэ стратегиудын ач холбогдлыг онцолж, эрсдэлийн тооцоолол, эрсдэл, ашгийн харьцааг сайжруулах, үр дүнтэй стратегийг хэрэгжүүлэх зэрэг зүйлсийг багтаасан болно. CFD, хослол эсвэл бусад хэрэгслийг арилжаалах эсэхээс үл хамааран эдгээр стратеги нь алдагдлыг багасгаж, Форекс арилжаанд амжилтанд хүрэх магадлалыг нэмэгдүүлдэг.

Эрсдэлийн менежмент гэж юу вэ? Тодорхойлолт ба утга

Эрсдэлийн менежмент гэдэг нь болзошгүй алдагдлыг багасгахын тулд хөрөнгө оруулагчдын ашигладаг стратегийн багцыг хэлдэг. Үүнд зах зээлд дүн шинжилгээ хийх, өгөгдлийг хянах, сэтгэл хөдлөлөө хянах бас арилжааны хөрөнгийг хамгаалах зэрэг орно.

Гадаад Валютын Арилжааны эрсдэлийн менежмент гэж юу вэ?

Гадаад Валютын Арилжааны эрсдэлийн менежмент нь валютын хэлбэлзлээс үүдэлтэй учирч болзошгүй алдагдлыг багасгахад чиглэгддэг. Форекс эрсдэлийн менежментийн дүрэм нь багаж хэрэгслийн нэгэн адил хөрөнгө оруулалтын шийдвэр гаргах, хөрөнгөө тодорхой бус байдлаас хамгаалахад нь арилжаачдыг чиглүүлдэг.

Эрсдэлийн менежмент болон арилжаа хийхэд танд юу тулгарч байгааг ойлгох

Валютын зах зээлд гарах нь төрөлхийн эрсдэлийг хүлээн зөвшөөрөх явдал юм. Форекс эрсдлийн менежментийг үр дүнтэй хийх нь эдгээр эрсдлийг бууруулж, амжилтгүй арилжаа хийхээс зайлсхийхэд маш чухал юм.

Форекс арилжааны тодорхой эрсдэлүүдийг авч үзье:

1. Зах зээлийн эрсдэл: Эдийн засаг, геополитик эсвэл дэлхийн асуудал зэргээс үүссэн үнийн өөрчлөлт нь таны хөрөнгө оруулалтын үнэ цэнийг бууруулах боломжтой.
2. Хөшүүргийн эрсдэл: Хөшүүргийг ашиглан арилжаа хийх нь илүү том арилжаа нээх боломжийг олгодог боловч депозитоос тань давсан алдагдалд хүргэж болзошгүй юм. Шинэ хүмүүс доод түвшний хөшүүргийг ашиглах хэрэгтэй.
3. Хөрвөх чадварын эрсдэл: Зарим валют болон арилжааны бүтээгдэхүүний хөрвөх чадвар өндөр байдаг нь таны хөрөнгийг хүссэн үнээрээ зарах боломжид тань нөлөөлдөг.
4. Бодлогын Хүүгийн эрсдэл: Бодлогын хүүгийн өөрчлөлт нь валютын үнэд мэдэгдэхүйц өөрчлөлт гарахад хүргэдэг.
5. Улс орны эрсдэл: Арилжааны үнэлгээ нь ханшид нөлөөлдөг тул эдийн засаг болон улс төрийн тогтвортой байдал нь валютын арилжаанд нөлөөлдөг.
6. Сүйрлийн эрсдэл: Арилжааны капиталын хомсдол нь арилжаагаа тогтвортой байлгахад нөлөөлхөөс гадна хүлээгдэж буй ашигаа олох боломжгүй болгодог.

Дэлгэрэнгүйг харж, илүү гүнзгий ойлголттой болохын тулд мөнгөний менежментийн тактикуудыг хуваалцаж, бодит цаг хугацаанд нь үзүүлж буй энэхүү видеог үзээрэй.

Юу буруугаар эргэх боломжтой вэ?

Форекс арилжааны эрсдэл нь зах зээлийн шинжилгээний алдаа, урьдчилан тооцоолоогүй үйл явдал болон тухайн хүний гаргасан алдаа зэргээс үүдэлтэй байдаг.

1. Зах зээлийн шинжилгээ болон таамаглалын алдаа: Эрсдэлийг багасгахын тулд арилжаачид эдийн засгийн мэдээлэл, төв банкны шийдвэр, зах зээлийн үйл явдал, мөн чухал мэдээнүүдийг хянах ёстой. Зөвлөмж:

• Хэвлэл мэдээллийн хэрэгслийн мэдээ, "шинжээчдийн" таамаглалд сохроор бүү итгэ; албан ёсны мэдээлэл, найдвартай эх сурвалжид тулгуурлах хэрэгтэй.
• Эдийн засгийн календар болон хувьцааны дэлгэц(screener) зэрэг нэмэлт хэрэгслийг ашиглах.
• Эдийн засгийн мэдээллийг динамик байдлаар үнэлж, хүлээлт болон өмнөх тайлантай нь харьцуулах.

2. Давагдашгүй хүчин зүйл: Урьдчилан таамаглаагүй улс төрийн шийдвэр, байгалийн гамшиг, террорист халдлага болон зах зээлийн гэнэтийн үйл явдлууд нь шууд эсвэл урт хугацааны үр дагаварт хүргэж болзошгүй.

3. Хүмүүсийн хүчин зүйл: Стресс, анхаарал сулрах, туйлдах мөн ядрах зэрэг нь арилжааны үр дүнд нөлөөлдөг. Эдгээр хүчин зүйлсийг анхаарч бас бие хүний менежмент хийдэг байх хэрэгтэй.

Хэрэв та маш их мөнгө алдсан бол яах вэ?

Олон Форекс арилжаачид туршлагаас үл хамааран ихэвчлэн мөнгө алддаг. Эрсдэлийн менежмент хангалтгүйгээс гадна хөрөнгийн хүрэлцээ муу, түрэмгий арилжаа, шийдэмгий бус байдал, сандрал, хяналтгүй байдал, буруу төлөвлөлт зэрэг нь нийтлэг шалтгаанууд байдаг.

Хэрэв та ийм байдалд орвол дараах алхмуудыг дагаарай:

1. Цаашдын алдагдлыг багасгахын тулд тайван байж бодолтой хариу үйлдэл гаргах.
2. Юу болсныг ойлгохын тулд гаргасан алдаанууддаа дүн шинжилгээ хийж, ирээдүйд алдахаас зайлсхийх.
3. Алдагдлыг хүлээн зөвшөөрч, хохирлыг үнэлэх мөн арилжааны стратеги боловсруулах.
4. Бага багаар сэргэх цаг гарга. Хэвийн арилжааны байдалруу буцахаасаа өмнө демо данс ашиглах талаар бодож үзээрэй.

Алдагдал нь Форекс арилжааны нэг хэсэг гэдгийг санаарай. Тэднээс суралцаж ур чадвараа дээшлүүлж, мэргэжлийн хүн болж өсөж дэвших хэрэгтэй.

Эрсдэлийн менежментийг хэрхэн тооцох вэ

Форекс арилжаанд эрсдэлийг тооцоолох нь fx эрсдлийг үр дүнтэй удирдах стратегид зайлшгүй шаардлагатай. Энэ энгийн томъёог ашиглаарай:

Арилжааны хэмжээ = Эрсдэлийн капитал / Ханшийн хөдөлгөөн / 1 лотонд ноогдох 1 пойнтын зардал

Гурван элементийг авч үзэцгээе:

1. Эрсдэлийн капитал: Нэг арилжаанд хадгаламжийнхаа 5%-аас илүүг эрсдэлд оруулж болохгүй. 10,000 долларын деозитын хувьд эрсдэлийн капитал нь 500 доллар байна.
2. Ханшийн хөдөлгөөн: Техникийн шинжилгээ эсвэл дохион дээр үндэслэн тооцоолно.
3. Лот тутамд ноогдох пойнтын зардал: Арилжаачны тооцоолуур ашиглан тооцоолж болно.

Жишээлбэл, хэрэв таны дансны үлдэгдэл 10,000 доллар бөгөөд та эрсдэлийг 5% хүртэл хязгаарласан ба энэ нь валютын хослолын хөдөлгөөний 80 пойнт гэж тооцвол стоплоссыг 80 пойнтоор тохируулна гэсэн үг.

Ашиглах томъёо:

500 / 80 / 1 = 6.25 лот

6.25 лотын EURUSD арилжааг 80 пойнтын стоплосстойгоор нээх нь дээд тал нь 500 долларыг эрсдэлд оруулна гэсэн үг.

Арилжааны хэмжээг тооцоолсноор та эрсдэлийн хэмжээгээ мэдэх ба ингэснээр арилжааны санаагаа итгэлтэйгээр хэрэгжүүлэх боломжтой.

Арилжааны тооцоолуур ашиглан өөрийн зөв позицын хэмжээ болон нэг пойнтын үнийг тодорхойлох боломжтой.

Форекс арилжааны эрсдэлийн менежментийн стратегиуд:

Форекс арилжаанд амжилтанд хүрэхийн тулд үр дүнтэй Форекс арилжааны эрсдэлийн менежментийн стратеги чухал байдаг. Бүх түвшний арилжаачдад зориулсан Форекс эрсдэлийн менежментийн түгээмэл стратегиудыг энд оруулав:

1. Тасралтгүй боловсрох: Мэдлэгээ өргөжүүлэхийн тулд нийтлэл, видео, курс, вебинаруудаар үргэлж өөрийгөө шинэчлэдэг байх.
2. Демо данс: Бодит мөнгөө эрсдэлд оруулахгүйгээр туршлага, өөртөө итгэх итгэлийг олж авахын тулд демо данс ашиглан дадлага хийх.
3. Stop-Limit захиалгууд: Эрсдэлийг удирдах мөн тогтоосон үнээр арилжаагаа гүйцэтгэхийн тулд stop-limit захиалгуудыг ашиглан хил хязгаарыг тогтоох.
4. Эсрэг арилжаанууд хийх: Эсрэг арилжаа хийхдээ эрсдэлээ удирдахын тулд болгоомжтой төлөвлөж бас зохих стоплоссыг ашиглаарай.

5. Арилжааныхаа хэмжээг тогтоох: Стоп байршуулалт, зөвшөөрөгдөх эрсдэлийн хувь, пипийн зардал мөн арилжааны хэмжээ зэрэгт үндэслэн зохих хөрөнгө оруулалтын хэмжээг тодорхойлох.
6. Take-Profit цэгийг тогтоох: Ашиг олохын тулд үнийн түвшинг урьдчилан тодорхойлж, ашиг олох зорилгоо төлөвлөх.
7. Валютын хамаарлыг анхаарч үзэх: Өөр өөр валютын хослолууд эерэг эсвэл сөрөг хамаарал буюу бие биедээ хэрхэн нөлөөлж байгааг нь ойлгох.
8. Эрсдэлийн менежмент: Нэг хувийн дүрмийг баримтлах мөн арилжааныхаа алдагдлыг өдөрт 1-2% хүртэл хязгаарлах замаар хэт их эрсдэлээс сэргийлэх.
9. Хөшүүргийн хязгаарлалт: Болзошгүй ашиг болон алдагдлыг тэнцвэржүүлэхийн тулд хөшүүргийг болгоомжтой ашиглаарай, ялангуяа та анхан шатны арилжаачин бол.
10. Бодитой ашгийн хүлээлт: Эрсдлийн менежментийн оновчтой стратеги боловсруулж, хурдан ашиг олох бодит бус хүлээлтээс зайлсхийх.
11. Арилжааны төлөвлөгөө: Оролт, гаралт хийх стратеги, эрсдэлд тэсвэртэй байдал, янз бүрийн хувилбаруудын удирдамж бүхий нарийн тодорхойлсон төлөвлөгөөг бий болгох.
12. Сэтгэл хөдлөлийг хянах: Сахилга баттай байж, сэтгэл хөдлөлөөс үүдэлтэй огцом үйлдлээс урьдчилан сэргийлэхийн тулд арилжааны төлөвлөгөөгөө дагаж мөрдөх.
13. Багцаа төрөлжүүлэх: Зах зээлээс өөрийгөө хамгаалахын тулд өөр өөр валютын хослол, хөрөнгүүд болон эрсдэлийн түвшинд хөрөнгө оруулалтаа хуваарилах.

Эдгээр стратегийг хэрэгжүүлснээр арилжаачид Форекс эрсдэлийн менежментээ сайжруулж, шийдвэр гаргах чадвараа сайжруулж мөн амжилтанд хүрэх боломжоо нэмэгдүүлэх боломжтой.

Мөнгөний менежментийн ерөнхий дүрмүүд

Санхүүгийн менежмент нь спекулятив арилжааны маш чухал хэсэг бөгөөд хэрэв та амжилтанд хүрэхийг хүсч байвал дагаж мөрдөх ерөнхий дүрмүүд байдаг. Олон анхлан суралцагчид мөнгөний менежментийн ач холбогдлыг ойлгох үедээ жижиглэнгийн дансаа алдсан байдаг. Хамгийн чухал дүрмүүдийн авч үзэцгээе:

1. Та арилжааны тодорхой төлөвлөгөөтэй байх ёстой

Аливаа арилжаанд орохын өмнө арилжааны тодорхой төлөвлөгөөтэй байх нь маш чухал юм. Ихэнхдээ алдагдалд хүргэдэг импульс, санамсаргүй арилжаа хийхээс зайлсхийхийн тулд нэвтрэх цэг, гарах цэг, хүссэн ашиг, алдагдлын зөвшөөрөгдөх хувийг тодорхойлох хэрэгтэй.

2. Зөвхөн өндөр хөрвөх чадвартай хэрэгслийг арилжаалах

Алдагдлаас зайлсхийхийн тулд хөрөнгийн зах зээлийн тэргүүлэх хөдөлгөөнийг арилжаалахад анхаарлаа төвлөрүүл. Түүхий эд, хувьцаа, гадаад валютын хувьд Евро, Доллар болон Иен зэрэг хүчтэй суурь валютуудыг ашигла. Мексикийн песо, Турк лира, Польш злоти гэх мэт ихэвчлэн "эксотик" гэгддэг сул мөнгөн тэмдэгтүүд илүү эрсдэлтэй байж болно. Гэсэн хэдий ч "гуравдагч зэрэглэлийн" валютууд хүчирхэгжиж, хөгжингүй орнуудын алдартай мөнгөн тэмдэгтүүд үнэгүйдэх тохиолдол байдаг тул нөхцөл байдлыг ажиглах нь чухал юм. Үүний нэгэн адил хөрөнгийн зах зээлийн хямралын үед технологийн компаниуд болон санхүүгийн байгууллагуудын үнэ хурдацтай унах хандлагатай байдаг. Мөн хямралын үед ханш нь түр зуур өсөх боломжтой Dow Jones эсвэл алт зэрэг үнэт металлын арилжааны индексүүдийг авч үзэх нь зүйтэй.

3. Та зөвхөн хүчтэй эргэлтийн цэгүүд дээр арилжаа хийх хэрэгтэй

Уйдсан эсвэл тэвчээргүй байдлаасаа болж арилжаанд оролцохоос зайлсхий. Зарим арилжаачид график дахь хүчтэй эргэлтийн цэгүүдийг тодорхойлохын тулд индикаторууд болон оскилляторуудыг ашигладаг боловч энэ нь шинжлэх ухаан биш юм. Энэ чадварыг эзэмшихийн тулд хүн бүрийн хөгжүүлж чаддаггүй туршлага болон зөн совинг шаарддаг.

4. Та хэт богино timeframe дээр арилжаа хийхээс зайлсхийх хэрэгтэй

Хэдийгээр скалпинг гэх мэт богино хугацааны арилжааны стратегиуд байдаг ч тэдэн дээр менежментийг амжилттай хэрэгжүүлэхэд бэрхшээлтэй байдаг. Position арилжаа нь урт эсвэл дунд хугацааны позиц эзэмшдэг илүү боломжийн арга юм. Арилжаа хийхдээ шимтгэлийнхээ зардлаас дор хаяж арав дахин их ашиг олохыг зорь. Зах зээлийн бүх хөдөлгөөнөөс ашиг олохыг бүү эрэлхийл.

5. Хямд аваад үнэтэй зар

Үнэ ямар ч чиглэлд хөдөлж болно гэдгийг санаарай. Форекс зах зээлийн шинжилгээ нь таны боломжийг нэмэгдүүлэх боломжтой боловч амжилтанд хүрэх баталгаа болохгүй. Амжилттэй арилжааны стратегитай гэж өөрийгөө зарлаж байгаа хүн болгонд итгэх хэрэггүй. Бодит арилжаанд ашиглахаасаа өмнө шинэ хандлагуудыг демо дансууд дээр туршиж үзээрэй.

6. Та аюулгүй арилжаа хийхийн тулд стоплосс хэрэглэх ёстой

Stop loss захиалгыг ашиглах нь эрсдэлийг удирдахад зайлшгүй шаардлагатай. Гэсэн хэдий ч тэдгээрт сохроор найдах нь байнгын алдагдал болон дансны хурдан бууралтад хүргэдэг. Арилжааны хэв маягтаа үндэслэн стоплосс тавих тохиромжтой зайг тодорхойлж, тэдгээрийг тогтмол ашиглаарай.

7. Амжилттай арилжаа хийвэл ашгаа нэмэгдүүлэхийг зөвшөөрөх хэрэгтэй

Бага хэмжээний ашиг олмогцоо арилжаагаа хаадаг алдааг бүү гарга. Эхлэн суралцагчид ихэвчлэн бага хэмжээний ашиг аваад хаадаг боловч алдагдлаа барисаар байдаг. Тиймээс чиг хандлага дуусах гэж байгаа гэдэгт итгэсэн үедээ л арилжаагаа хаагаарай.

8. Та чөлөөт маржингаа нэлээд их байлгах ёстой

Маржин коллын(call) улмаас таны позиц хаагдах хүртэл хүлээх хэрэггүй. Шаардлагагүй алдагдалд хүргэж болзошгүй тул сэтгэл хөдлөлийн улмаас яаран шийдвэр гаргахаас зайлсхийгээрэй.

9. Эрсдэлийг төрөлжүүлэх аргыг ухаалгаар ашигла

Эрсдэлийг төрөлжүүлэх нь олон арилжаачдад ашигтай байж болох ч олон арилжаа нээх нь хүндрэл үүсгэдэг. Хувцааны зах зээл дээр дунд зэргийн төрөлжүүлэлтийг анхаарч үзээрэй харин хэт их төрөлжүүлэлт нь эрсдэлтэй байж болох Форекс арилжаанд болгоомжтой байгаарай.

10. Арилжааны session-үүдийн төгсгөлд чухал шийдвэр гаргах хэрэггүй

Баасан гаригт эсвэл арилжааны өдрийн төгсгөлд зах зээл хаагдахаас өмнө арилжааны шийдвэр гаргах нь ашигтай стратеги биш юм. Энэ нь далайн эрэг рүү унах гэж байгаа давалгааг барьж авах гэж оролдсонтой адил - та зах зээл дээр ямар ч давуу тал олж авахгүй.

11. Техникийн болон суурь шинжилгээний чиглэлээр ур чадвараа дээшлүүлэх

Таны арилжааны амжилт нь хүчтэй аналитик чадвараас хамаардаг. Хэргийг мөрдөж байгаа мөрдөгч шиг бодоод үз дээ. Та график болон индикаторуудыг (техникийн шинжилгээ) ойлгох, мөн зах зээлийн мэдээ, эдийн засгийн хүчин зүйлсийг шинжлэх (суурь шинжилгээ) ур чадвараа дээшлүүлэх хэрэгтэй. Хоёр төрлийн шинжилгээг ашиглах нь зах зээлийг илүү сайн ойлгохын тулд шаардлагатай давхар хэтийн төлөвийг бий болгодог.

12. Арилжааны тэмдэглэл хөтлөх

Үүнийг өөрийн хувийн арилжааны тэмдэглэл гэж бодоорой. Алдаанууд болон тэдгээрээс суралцах зөв шийдвэрүүдээ бичих хэрэгтэй. Ингэснээр арилжаагаа эргэцүүлэн бодох, ирээдүйн гүйцэтгэлийг сайжруулах үнэ цэнэтэй хэрэгсэл болдог.

13. Арилжааны volume-ийг нэмэгдүүлэх нь эрсдэлийг нэмэгдүүлдэг

Томоохон арилжааны volume-тай эхлэх нь илүү их ашиг олох зам мэт санагдаж болох ч эрсдэл өндөртэй байдаг. Мэргэжилтнүүд та өдөр тутмын алдагдлаа депозитынхоо 2%аас, сарын алдагдал нь 10%-аас хэтрүүлэхгүй байхыг зөвлөдөг байна.

14. Та дарааллан хэд хэдэн удаа алдагдал хүлээсэн бол түр зогсоох хэрэгтэй

Хэзээ ухарч өөрийгөө цэнэглэхээ мэддэг байх нь чухал. Алдагдлаас үүдэн завсарлага авдаг арилжааны тоо нь стратегиас хамааран арилжаачин бүрийн хувьд өөр өөр байж болно. Заримдаа шинэ үзэл бодол нь бүх зүйлийг өөрчилдөг.

15. Арилжааны төлөвлөгөө гаргах

Үүнийг амжилтанд хүрэх газрын зураг гэж бодоорой. Хэрэв та үүнийг хэтэрхий төвөгтэй болговол зах зээлийн төөрдөг байшинд төөрөх болно. Форекс, хувьцаа, түүхий эдүүд гэх мэт аль зах зээл дээр арилжаа хийхийг хүсч байгаагаа тодорхойлж, яагаад үүнийг сонгосноо ойлгох хэрэгтэй. Энэ нь тулааны талбараа ухаалгаар сонгохтой адил юм. Сурах бичгүүдээс суралцаж, үр дүнтэй жолоодоход шаардлагатай мэдлэгийг олж аваарай.

16. Хэтэрхий их оролт бас гаралт хийх хэрэггүй

Байнга арилжаанд орж бас гарагх нь таны амжилтанд саад болно. Энэ нь том нүхтэй тор ашиглан эрвээхэйг барих гэж оролдсонтой адил - та юу ч барьж чадахгүй. Тэвчээртэй байж, өндөр магадлалтай боломжуудыг хүлээ. Хүчтэй өсөлтийн зах зээл дээр та олон арилжаа хийх боломжтой, гэхдээ оролт эсвэл гаралтын хооронд аюулгүй зайг үргэлж хадгалаарай.

17. 1:2 – 10 доллар алдаж, 20 доллар ав

Энэ нь алдах эрсдэлтэй 10 доллар бүрийнхээ хариуд 20 доллар олохыг зорь гэсэн үг юм. Гэсэн хэдий ч энэ харьцаа нь зах зээл эсвэл арилжаачин бүрт тохирохгүй байж магадгүй юм. Зарим арилжаачид бага ашиг олж байгаадаа сэтгэл хангалуун байдаг бол зарим нь илүү их ашгийг эрэлхийлдэг. Энэ нь жижиг боловч итгэлтэй ялалт эсвэл илүү их ашиг авахын тулд илүү их эрсдэл хүлээх хоёрын аль нэгийг сонгохтой адил юм.

18. Трендийн эсрэг битгий ор

Амжилттай арилжаа хийхийн тулд трендтэй найзлаарай гэж мэргэжилтнүүд хэлдэг. Хэдийгээр чиг хандлагын эсрэг явах нь ашигтай байх тохиолдол байдаг ч энэ нь эрсдэлтэй арга юм. Энэ нь урсгалын эсрэг сэлж байгаа мэт; ахиц дэвшил гаргах нь илүү хэцүү байдаг. Олонхийн эсрэг үр дүнтэй арилжаа хийх нь туршлага, ур чадвар, зохих бэлтгэлийг шаарддаг.

19. Тренд хаашаа эргэхийг таах гэж бүү оролд

Энэ нь таны арилжааны дансанд гэмтэл учруулах болно. Богино хугацаанд доош эсвэл дээш averaging хийх нь сонирхол татахуйц мэт санагдаж болох ч энэ нь ихэвчлэн ихээхэн алдагдалд хүргэдэг. Доош avaraging хийх нь өсөлтийн зах зээл эсвэл Форексийн хувьд ялангуяа аюултай байж болно.

20. Averaging-ийг хэзээ ч битгий ашигла

It will damage your trading account. While averaging down or up for short period may seem tempting, it often leads to significant losses. Averaging down in a bullish market or forex can be especially dangerous.

21.Олсон ашгаа хамгаал

Ашиг олох үедээ тэдэнд хүндэтгэлтэй ханд. Энэ бол таны шаргуу ажиллаж олсон мөнгө гэдгийг санаарай. Зах зээлд шаардлагагүйгээр эрсдэлд орох хэрэггүй. Таны ашиг буурах биш нэмэгдэж байгаа үед арилжаанаас гараарай.

22. Шөнө хэзээ ч битгий арилж

Форекс зах зээл үргэлж байж л байх болно, гэхдээ таны мөнгө байхгүй болж магадгүй юм. Өөрийн сайн сайхан байдалд санаа тавьж, хангалттай унтаарай.

23. Идэвхтэй амьдралаар амьдар

Бүх цагаа компьютерийн ард бүү өнгөрөө. Фитнесст явах, спортоор хичээллэх гэх мэт биеийн тамирын дасгал хий. Сайн сайхан амьдралтай байх нь чухал.

24. Жижиг хэсгүүдээс их хэмжээний ашиг ол

Хэрэв та 100 долларыг 1000 доллар болгохоор зорьж байгаа бол түүнийгээ хүрч болох үе шат болгон хуваа. Өөрийн эрсдэлийн капиталыг 100 доллараас 200 доллар, дараа нь 300 доллар гэх мэт аажмаар нэмэгдүүлээрэй. Мэргэжилтнүүд нэг арилжаанд өөрийн капиталын томоохон хэсгийг эрсдэлд оруулах нь ховор гэдгийг санаарай.

25. Мэддэг бас ойлгодог хэрэгслүүдээ арилжаалаарай

Туршлагатай бас мэдлэгтэй зах зээлдээ тууштай байгаарай. Хэрэв та түүхий эдийн талаар сайн мэддэг бол урьдчилан таамаглахад хялбар байдаг зүйлдээ анхаарлаа хандуулаарай. Хамгийн сайн мэддэг зүйлээрээ мэргэш.

26. Санхүүгийн зөв хөшүүргийг сонго

Брокерууд өндөр хөшүүргийн сонголтыг санал болгодог ч энэ нь та заавал хөшүүргийг дээд зэргээр нэмэгдүүлэх ёстой гэсэн үг биш юм. Хувьцааны арилжаанд 1:10 эсвэл 1:20 хөшүүргийн харьцаа түгээмэл байдаг бол Форекс дээр 1:100 хүртэлх өндөр хөшүүрэг нь түгээмэл байдаг. Их хэмжээний хөшүүргийг ашиглах нь таны дансыг хурдан устгах болно. Гэсэн хэдий ч хэтэрхий бага хөшүүрэг нь уйтгартай байж магадгүй. Танд өөрт тохирох тэнцвэрийг олох хэрэгтэй.

27. Алдагдлыг амархан хүлээн зөвшөөр

Алдагдлаа бага байлгаж, алхам алхмаар хүлээж ав. Үүний хажуугаар их хэмжээний ашиг олоход анхаарлаа хандуулаарай. Зарим арилжаачид пирамидчлалыг ашигладаг бөгөөд тэнд позицуудаа нэг нэгээр нь нэмдэг ч болзошгүй алдагдлыг хязгаарлах зорилгоор стоп захиалгуудыг тавьдаг. Зах зээлийн өсөлт болон уналт нь байдаг л зүйл учраас тэглэх эсвэл алдахад бэлэн байгаарай.

28. Автоматилсан арилжаа

Робот-арилжаачдын талаарх санал бодол арилжаачдын дунд харилцан адилгүй байдаг. Зарим нь тэднээс зайлсхийдэг бол зарим нь ашигтай гэж үздэг. Автомат арилжаа нь бүтэн өдрийн турш ажиллах бас тогтвортой гүйцэтгэл зэрэг давуу талыг өгдөг. Гэсэн хэдий ч програм хангамжийг арилжааны туршлагагүй хүмүүс бүтээдэг тул болгоомжтой байх шаардлагатай. Үүнийг ухаалгаар ашиглаарай.

Хураангуй

Форекс хослолын арилжаа хийх үед өндөр эрсдэлтэй байдаг. Энэ нь хувь хүний эрсдэлд тэсвэртэй байдлаас хамаарч өөр өөр байдаг ч үүнийг арилгах боломжгүй юм. Тиймээс Форексын эрсдэлийн менежментийн зөв төлөвлөгөө, стратеги нь ашиг, алдагдлыг хянахад маш чухал юм.

Өөрийн зорилго, зан чанарт нийцсэн хувийн стратеги боловсруулаарай. Бодитоор сэтгэдэг байж, сандрахаас зайлсхийж, стоплосс ашиглаж, валютын эрсдэлийг системтэйгээр хянаж, зах зээлийн шинжилгээнд үндэслэн Форекс арилжааны төлөвлөгөөгөө дагаж мөрдөөрэй.