Бид яагаад түүхий эдийн зах зээлийг ер бусын зах зээл гэж нэрлэсэн юм бол гэж та гайхаж магадгүй. Энэ нь юугаараа онцлог вэ? Хэрэв та валютын арилжаа эрхэлдэг эсвэл хөрөнгийн зах зээл дээр таамаглал хийдэг бол түүхий эдийн арилжаа хийж чадах уу? Түүхий эдийн арилжаа хэрхэн ажилладаг вэ? Та ямар барааг арилжиж, алийг нь авахаас зайлсхийх ёстой вэ? Та эдгээрийн хариултыг манай түүхий эдийн арилжааны гарын авлагаас олох болно.
Нийтлэлд дараахь сэдвүүдийг агуулж байна:
- Түүхий эдүүд: Үндсэн зүйлс
- Түүхий эдүүдийн Ангилал
- Түүхий эдийн арилжаа юугаараа онцлог вэ?
- Яагаад түүхий эдийг арилжих хэрэгтэй вэ?
- Юу түүхий эдийн ханшид нөлөөлдөг вэ?
- Түүхий эдэд хөрөнгө оруулах аргууд
- Биет түүхий эд худалдаж авах
- Түүхий эдийг арилжих нь сайхан санаа мөн үү?
- Түүхий эдийн арилжаачдад өгөх зөвлөгөө
- Дүгнэлт
- Түүхий эдийн арилжааны талаарх түгээмэл асуултууд
Түүхий эдүүд: Үндсэн зүйлс
Тодорхойлолтоор нь эхэлцгээе. Хэдийгээр та алт, газрын тос, байгалийн хий, үр тариа зэрэг арилжаалагддаг түүхий эдийг мэддэг ч ерөнхий тодорхойлолтыг мэдэх нь зүйтэй.
Түүхий эдүүд нь арилжаанд хэрэглэгддэг бараа юм. Энэ нь ижил төрлийн бараагаар сольж, солилцож болох хөрөнгө юм. Commodities бол бусад барааны бүрэлдэхүүний нэг хэсэг болгон ихэвчлэн хэрэглэгддэг түүхий эд юм.
Үйлдвэрлэлд болон худалдаанд түүхий эдийн стандарт байдаг. Бараа бүтээгдэхүүний чанар бага зэрэг ялгаатай ч ерөнхийдөө ижил төстэй байдаг. Хэрэв бид арилжааны тухай ярих юм бол бараа түүхий эдүүд нь үндсэн зэрэглэлийн стандартыг дагаж мөрдөх ёстой. Хэрэв фьючерсийн(futures) гэрээний бодит хөрөнгө болгон ашиглах бол энэ стандартыг бараа бүтээгдэхүүн хангасан байх ёстой.
Түүхий эдүүдийн Ангилал
Түүхий эдүүдийг ихэвчлэн эрчим хүч, мал ба мах, металл, газар тариалан гэсэн дөрвөн төрөлд хуваадаг. Металл нь хамгийн их арилжаалагддаг түүхий эд учраас бид үүнээс нийтлэлээ эхлэх болно.
Металууд(Metals)
Металлын бүлгээс хамгийн их арилжаалагддаг барааны нэг бол алт юм. Алтыг найдлартай хөрөнгө гэж үздэг. Энэ нь хөрөнгө оруулагчид болон арилжаачид эрсдэлээс ангид байхын тулд хөрөнгөө байршуулдаг зүйл гэсэн үг юм. Алт бол хамгийн найдвартай хөрөнгийн нэг болох нь батлагдсан байдаг. Учир нь алтны үнэ цэнэ нь мэдэгдэхүйцээр буурч, асар их алдагдалд хүргэх боломжгүй гэсэн үг юм. Арилжаачид алтны зах зээлийн энэ шинж чанарыг ашиглан үнийн чиглэлийг таамагладаг. Хэрэв зах зээлийн хандлага сөрөг байвал алтны зах зээлийн үнэ өсдөг байна.
Арилжаалах боломжтой бусад металлууд байдаг. Эдгээр нь мөнгө(silver), зэс(copper), цагаан алт(platinum) гэх мэт зүйлс юм.
Мөнгө нь алтыг бодвол арай бага найдвартай хөрөнгөд тооцогддог. Гэсэн хэдий ч энэ нь ялангуяа идэвхтэй арилжаачад сонирхолтой боломжийг олгодог. Богино болон дунд хугацааны арилжаанд мөнгийг арилжаалах нь тохиромжтойд тооцогддог.
Зэс нь байнгын өндөр эрэлттэй байдгаараа ялгаатай. Зэс нь цахилгаан тоног төхөөрөмж, сантехник, инженерчлэл, хоол хийх хэрэгсэл зэрэг янз бүрийн салбарт ашиглагддаг.
Лондонгийн металлын бирж буюу London Metal Exchange(LME) нь металлын хамгийн алдартай биржүүдийн нэг гэж тооцогддог. LME нь хөнгөн цагаан, цайр, кобальт, зэс, хар тугалга болон бусад олон төрлийн металлын фьючерс болон options гэрээг арилжаалах боломжийг олгодог.
Эрчим хүч(Energy)
Эрчим хүч бол сайн арилжаалагддаг өөр нэг төрлийн түүхий эд юм. Энэ ангилалд газрын тос, халаалтын тос, бензин, байгалийн хий зэрэг орно. Хэрэв та эрчим хүчний түүхий эдийн арилжааг сонирхвол газрын тосны арилжааг хийх магадлал өндөр байдаг.
Газрын тосны хоёр үндсэн жишиг байдаг: Brent болон WTI. Хэдийгээр түүхий газрын тос нь хэлэлцэх асар том сэдэв боловч таны мэдэх ёстой үндсэн зүйлүүд бийй. Brent болон WTI-ийг бусад төрлийн нефтийн үнэ болон хувилбаруудын жишиг болгон ашигладаг. Ханш нь жишиг үзүүлэлттэй ижил төстэй байдлаар тодорхойлогддог. Brent газрын тосыг Европ, Азийн зах зээлд жишиг болгон ашигладаг. Харин WTI нь баруун хагас бөмбөрцгийн стандарт болон ашиглагддаг байна.
Бид газрын тосны арилжааны талаар ярихдаа түүний үнэд нөлөөлдөг чухал хүчин зүйлсийг авч үзэх хэрэгтэй. Газрын тосны үнэд нөлөөлдөг гол хүчин зүйлүүд нь эрэлт, нийлүүлэлт байлаг. Энэхүү биет барааны нийлүүлэлтийн өсөлт болон эрэлт буурах нь үнэ цэнийн бууралтад хүргэдэг. Харин эсрэгээр нийлүүлэлт богиносч, эрэлт нэмэгдвэл нефтийн үнэ өснө. Эрчим хүчний өөр эх үүсвэрийг хөгжүүлэх нь дэлхийн нефтийн үнэ буурахад хүргэж болзошгүй байдаг. Газрын тосны салбар нь улс хоорондын улс төрийн асуудлын дунд үргэлж байдаг. Нефтийн компаниудад нөлөөлж буй хориг арга хэмжээ, зөрчилдөөн нь түүний үнэ цэнийг нэмэгдүүлэхэд хүргэдэг.
Хөрөнгө оруулагчид газрын тосны арилжаа хийхээс гадна байгалийн хийн үнийн талаар таамаг дэвшүүлэх боломжтой. Энэ түүхий эдийг янз бүрийн үйлдвэрлэл, орон сууц болон арилжааны зориулалтаар ашигладаг байна.
Газар тариалан(Agriculture)
Хөдөө аж ахуйн гаралтай түүхий эдийн арилжаа бага байдаг. Энэ ангилалд кофе, элсэн чихэр, хөвөн, шар буурцаг, эрдэнэ шиш, улаан буудай болон будаа орно. Эдгээр хөрөнгийг зөөлөн түүхий эд гэж бас нэрлэдэг. Газрын тос, ашигт малтмал гэх мэт газраас гаргаж авахаас ялгаатай нь тариалж, хурааж авдаг гэсэн үг юм. Хөдөө аж ахуйн гаралтай түүхий эдийн зах зээлийн үнэ цаг агаарын хүчин зүйлээс ихээхэн хамаардаг. Нийлүүлэлт буурвал хөдөө аж ахуйн хөрөнгийн үнэ өснө. Мөн эрэлт ихсэх нь хөдөө аж ахуйн хөрөнгийн үнийг өсгөх боломжтой.
Газар тариулангийн түүхий эдийн олон жагсаалт байдаг. Гэсэн хэдий ч тэр бүрийг нь өргөнөөр арилждаггүй. Кофе, элсэн чихэр нь арилжааны хамгийн алдартай хэрэгсэл юм. Кофе бол газрын тосны дараа арилжаалагддаг хамгийн алдартай хоёр дахь түүхий эд юм. Элсэн чихэр бол ирээдүйтэй зах зээл гэж тооцгддог. Цагаан болон түүхий элсэн чихэр хоёулаа зах зээлд төлөөлдөг. Элсэн чихэр нь этанол үйлдвэрлэхэд амтлагч болон орц болгон ашиглагддаг.
Мал болон мах(Livestock and Meat)
Энэ ангилал нь хамгийн жижиг нь юм. Үүнд гахайн хэвлий(pork bellies), туранхай гахай(lean hogs), амьд үхэр(live cattle), тэжээгч үхэр(feeder cattle.) зэрэг орно. Бүх төрлийн мал нь зөөлөн эдэд хамаарна.
Түүхий эдийн арилжаа юугаараа онцлог вэ?
Ямар хөрөнгийг арилжаалах нь чухал биш; арилжаа гэдэг нь санхүүгийн хэрэгслийг зарах, худалдан авах үйл явц юм. Та биржээр (Нью-Йоркийн барааны бирж, Чикагогийн барааны бирж (CME групп) болон бусад) эсвэл түүхий эдийн деривативаар дамжуулан түүхий эдийг худалдаж авах боломжтой.
Хэрэв бүх зах зээл ижил байсан бол өөр өөр хөрөнгийг арилжаалах ямар ч шалтгаан байхгүй байх байсан. Зах зээл бүр өөрийн гэсэн онцлог шинж чанартай байдаг.
Санхүүгийн хэрэгслүүдийг ялгаж салгадаг хамгийн эхний зүйл бол тэдгээрийн үнэ цэнэд нөлөөлөх хүчин зүйлүүд юм. Түүхий эдийн зах зээлийн тухай ярихдаа эрэлт, нийлүүлэлтийн хүчин зүйл нь түүхий эдийн үнийн хөдөлгөөнийг урьдчилан таамаглахад тусалдаг гол зүйл гэдгийг ойлгох хэрэгтэй. Үндсэн дүрэм бол нийлүүлэлт нэмэгдэхэд хөрөнгийн үнэ буурдаг. Эрэлт нэмэгдэхэд хөрөнгийн үнэ өсдөг. Тиймээс хөрөнгийн үнийн чиглэлийг урьдчилан таамаглахын тулд эрэлт, нийлүүлэлтэд юу нөлөөлж болохыг тодорхойлох хэрэгтэй. Үүний дараа эрэлт нийлүүлэлтэд нөлөөлж буй хүчин зүйлсийн талаарх мэдээг дагах хэрэгтэй.
Түүхий эдийн зах зээл дээрх арилжаа маш тогтворгүй байж болно. Тиймээс арилжаачид түүхий эдийн зах зээлд орохоосоо өмнө туршлага хуримтлуулах хэрэгтэй. Найдвартай хөрөнгө болох алт хүртэл хэлбэлзлийн түвшин өндөртэй байдаг.
Яагаад түүхий эдийг арилжих хэрэгтэй вэ?
Хөрөнгө оруулагчид нь бусад хөрөнгүүд ялангуяа бонд, хувьцаанаас илүү арилжаалагдсан түүхий эдийг сонгох олон шалтгаан бий.
Хамгаалах хөрөнгө
Бүх түүхий эдийг найдвартай хөрөнгө гэж тооцдоггүй. Жишээлбэл, хамгийн тогтворгүй түүхий эд болох газрын тос нь хамгаалах хөрөнгө байж чадахгүй. Гэсэн хэдий ч дэлхийн улс төр, эдийн засгийн үйл явдлуудаас үүдэлтэй зах зээлийн асар их тогтворгүй байдал, тодорхойгүй байдлын үед алт зэрэг үнэт металлыг та өөрийн санг хамгаалахад ашиглаж болно.
Санхүүгээ аюулгүй байлгахаас гадна зах зээлийн хямралын үед үнэ нь өсөх магадлалтай барааг (жишээ нь алт гэх мэт) арилжаалах замаар орлого олох боломжтой.
Өндөр өгөөж
Өндөр өгөөжийн тухай мөрөөдөхөөсөө өмнө өндөр ашиг нь бүгдийг алдах эрсдэлийг дагуулж байдаг гэдгийг санах хэрэгтэй. Жишээлбэл, газрын тос бол маш тогтворгүй хөрөнгө юм. Хэрэв та арилжаачин бол хөрөнгө оруулалтаа нэмэгдүүлэхийн тулд зах зээлийн асар их хэлбэлзлийг ашиглаж болно. Гэсэн хэдий ч, зөвхөн туршлагатай арилжаачид нэмэгдсэн хэлбэлзлийг өөрсдийн талд ашиглаж чаддаг гэдгийг та ойлгох хэрэгтэй. Үнийн савлагаа гарсан үед яаж ажиллахаа та мэддэг байх ёстой.
Төрөлжүүлэх
Түүхий эдийг багцаа төрөлжүүлэхэд ихэвчлэн ашигладаг. Хэрэв та хөрөнгө оруулалтаа төрөлжүүлэхийг хүсч байвал хамаарал багатай хөрөнгүүдийг сонгох хэрэгтэй. Жишээлбэл, хувьцаа нь эрсдэлтэй хөрөнгө байдаг бол ихэнх түүхий эдүүд аюулгүй байдаг. Ингэснээр та хувьцаа болон дуртай бараа бүтээгдэхүүндээ хөрөнгө оруулалт хийх боломжтой. Хэрэв зах зээл нэг хөрөнгийн талаарх таны таамаглалыг биелүүлэхгүй бол та өөр хөрөнгөөр амжилтанд хүрэхийн тулд нөхцөл байдлыг өөрчлөх боломжтой болно байдаг.
Юу түүхий эдийн ханшид нөлөөлдөг вэ?
Эрэлт нийлүүлэлтийн хүчин зүйл нь түүхий эдийн зах зээлийг хөдөлгөдөг гэдгийг би хэд хэдэн удаа хэлсэн. Гэсэн хэдий ч үүнийг хөдөлгөдөг бусад зүйлс байдаг.
Зах зээлийн мэдрэмж(Market Sentiment)
Зах зээлийн мэдрэмжээс эхэлье. Энэ нь зах зээл бүрийн үнийн чиглэлийг тодорхойлдог. Зах зээлийн мэдрэмж нь дэлхийн улс төр, эдийн засгийн асуудлууд дээр суурилдаг. Эрсдэлд автсан эсвэл дэлхий тогтвортой байгаа үед газрын тос зэрэг эрсдэлтэй хөрөнгийн үнэ өсдөг. Үүний зэрэгцээ дэлхийн эдийн засаг, улс төрийн асуудлууд нь алт зэрэг найдвартай хөрөнгийн түүхий эдийн үнийг өсгөж болзошгүй байдаг.
Америк Доллар(USD)
Та түүхий эдийн CFD арилжаа хийх үед энэ нь ам.доллартай хослогдох болно. Тиймээс та сонирхож буй барааны үнийн чиглэлийг урьдчилан таамаглахын тулд ам.долларын(USD) ханшийг анхаарч үзэх хэрэгтэй. Хэрэв USD-н ханш чангарвал түүхий эдийн арилжааны үнэ буурах магадлалтай байдаг.
Орлуулалт(Substitution)
Дэлхий байнга хөгжихийн хэрээр түүхий эдээс өөр бүтээгдэхүүн бий болдог. Түүхий эдийн үнэ цэнэ нь өөр бүтээгдэхүүний эрэлтээс хамаарна. Хэрэв олон хүн өөр хувилбарыг нь илүүд үзэх юм бол тухайн түүхий эдин үнэ цэнэ буурах болно.
Цаг агаар dklky улирлын шинж чанар
Түүхий эдийг хөдөө аж ахуй, газар тариалангийн бүтээгдэхүүнээр бас төлөөлдөг. Логикийн хувьд цаг агаарын хүчин зүйл нь нийлүүлэлтийн хэмжээг тодорхойлоход маш чухал байх болно. Энд бас байгалийн гамшгийн тухай ярих ёстой. Байгалийн гамшиг нь нийлүүлэлт буурахад хүргэнэ. Тиймээс богино хугацаанд үнэ өсөх магадлалтай.
Хөгжиж буй зах зээлүүд
Түүхий эдийг хөгжиж буй орнуудад ашиглаж, үйлдвэрлэдэг. Тиймээс хөгжиж буй орнуудад болж буй үйл явдлууд түүхий эдийн үнэд ихээхэн нөлөөлдөг. Хятад бол нэг жишээ нь юм. Энэ улсад болж буй үйл явдал газрын тосны үнэ, зэс, төмөр гэх мэт зах зээлийн үнэд нөлөөлж болзошгүй байдаг.
Өнгөрсөн гүйцэтгэлүүд
Хөрөнгийн үнийн чиглэлийг тодорхойлохын тулд та түүний өмнөх гүйцэтгэлийг ашиглаж болно. Бүх чухал үйл явдлууд нь ханшид мэдэгдэхүйц хэлбэлзэл үүсгэсэн байдаг.
Түүхий эдэд хөрөнгө оруулах аргууд
Түүхий эдийн арилжааг хийх хэд хэдэн арга байдаг. Аль нь танд хамгийн сайн тохирох тухай авч үзэцгээе.
CFD
CFD буюу зөрүүний гэрээ нь барааг арилжих хамгийн хялбар бөгөөд хүртээмжтэй арга юм. CFD арилжааг бараг бүх Форедс брокер онлайн арилжаанд зориулж танилцуулдаг. Тиймээс, хэрэв та аль хэдийн валют арилжаалж байгаа бол түүхий эдийн арилжаа нь ижил арилжааны данстай платформ дээр хийгддэг. Түүхий эдийн CFD нь spread арилжааг боломжтой болгодог. CFD нь үнийн өөрчлөлтийн талаар таамаглаж, хөрөнгийн арилжаа хийх боломжийг олгодог дериватив бүтээгдэхүүн юм. CFD арилжаа хийхдээ та үндсэн түүхий эдийг эзэмшдэггүй. Та худалдаж авах болон зарах аль аль үйл ажиллагаанаас ашиг олох боломжтой.
CFD арилжаа хийх нь маржин ашиглах боломжийг олгодог. Тиймээс та анхны хөрөнгөө нэмэгдүүлэхийн тулд хөшүүргийг ашиглаж болно. Гэсэн хэдий ч CFD нь нарийн төвөгтэй хэрэгсэл бөгөөд хөшүүргийн арилжаа нь өндөр эрсдэлтэй гэдгийг санах нь чухал юм. Энэ нь зөвхөн өндөр ашиг олох боломжтой төдийгүй жижиглэнгийн хөрөнгө оруулагчид данснаасаа мөнгөөө хурдан алдах магадлалыг өндөр болгодог, ялангуяа арилжаачид энэ төрлийн санхүүгийн хэрэгслийг арилжаалах туршлага, ур чадвар дутмаг тохиолдолд.
Түүхий эдийн фьючерс(Futures) арилжаа
Түүхий эдийн арилжааны өөр нэг түгээмэл арга бол түүхий эдийн фьючерсийн гэрээ юм. Ихэнх фьючерсийн гэрээг арилжаалахдаа ирээдүйд тодорхой хугацаанд (гэрээ дуусах үед) урьдчилан тогтоосон үнээр түүхий эдийн фьючерсийн зах зээл дээр хөрөнгө худалдаж авах, хүлээн авах үүрэг хүлээдэг. Үүний зэрэгцээ худалдагч нь фьючерсийн гэрээний хугацаа дуусахад үндсэн хөрөнгийг нийлүүлэх үүрэгтэй. Бүх санхүүгийн хэрэгсэлд түүхий эдийн фьючерс арилжаа хийх боломжтой байдаг.
Түүхий эдийн зах зээл дээр фьючерс гэрээний арилжаа хийдэг хэрэглэгчдийг ихэвчлэн түүхий эдийг арилжааны болон байгууллагын худалдан авагчид, спекулятив хөрөнгө оруулагчид гэж хуваадаг. Байгууллагын хэрэглэгчид төсвийн үйл явцыг зохион байгуулж, фьючерсийн үнийн өөрчлөлтөөс бизнесээ хамгаалахын тулд гэрээг ашигладаг байна.
Спекулятив хөрөнгө оруулагчид богино хугацааны хөрөнгө оруулалтын стратегийг хэрэгжүүлэхийн тулд түүхий эдийн фьючерсийн гэрээг ашиглаж болно. Тэдний зорилго бол хөрөнгийн үнийн өөрчлөлтөөс ашиг олох явдал юм. Гэсэн хэдий ч ийм хөрөнгө оруулагчид фьючерсийн гэрээний хугацаа дуусахаас өмнө арилжаагаа хаадаг. Үүний үр дүнд хөрөнгийг хүргэх ажлыг хэзээ ч хийгддэггүй байна.
Түүхий эд болон хувьцаа
Хувьцааны болон түүхий эдийн зах зээлийг байнга харьцуулдаг. Гэсэн та эдгээр зах зээлийг нэгтгэж болдог. Жишээлбэл, та өөрийн сонирхож буй түүхий эдтэй ямар нэгэн байдлаар холбоотой компанийн хувьцаанд хөрөнгө оруулалт хийж болно. Хэрэв та байгалийн хийг сонирхож байгаа бол тэргүүлэгч хийн үйлдвэрлэгчдийн хувьцаанд хөрөнгө оруулах боломжтой. Та алттай харьцахыг хүсч байвал; Та уул уурхайн компаниудад хөрөнгө оруулалт хийж болно гэсэн үг.
Хувьцааны хөрөнгө оруулалт нь фьючерс арилжаа хийхээс бага хэлбэлзэлтэй байх ёстой. Энэ бол шинэхэн хөрөнгө оруулагчдад маш том боломж юм. Гэсэн хэдий ч пенни хувьцаа нь хөрөнгө оруулалт хийхэд хамгийн найдвартай хөрөнгө гэдгийг санах хэрэгтэй.
Гэхдээ түүхий эдийн зах зээлд нэвтрэх энэ арга нь шууд бус арга гэдгийг та санаж байх хэрэгтэй. Хувьцааны болон түүхий эдийн хамаарлын түвшин бага байдаг. Хувьцааны үнэ нь түүхий эдийн үнээс хамаардаггүй.
Түүхий эдийн ETFs, ETNs, болон Хамтын сан(Mutual Funds)
Биржээр арилжаалагддаг сан эсвэл ETF болон биржээр арилжаалагддаг үнэт цаас эсвэл ETN нь хувьцааны арилжаатай адил арилжаалагддаг. Түүхий эдиййн ETF нь хөрөнгө оруулагчдад түүхий эдийн үнийн хэлбэлзэл эсвэл багц түүхий эдийн ханшийн талаар таамаглах боломжийг олгодог. Үүний зэрэгцээ тэд фьючерсийн зах зээлд шууд хөрөнгө оруулалт хийдэггүй.
ETF-ийн түүхий эдийн арилжаа болон ETN-ийн барааны арилжаа нь бүх түүхий эдийн хувьд боломжгүй байдаг. Гэсэн ч эдгээр хэрэгслүүд нь ихэвчлэн брокерийн жижиглэнгийн хөрөнгө оруулагчдаас тусгай данс шаарддаггүй.
Хамтын сангийн хувьд түүхий эдэд шууд хөрөнгө оруулалт хийх боломжгүй. Гэсэн хэдий ч тэдгээрийг арилжаалахыг хүсч буй түүхий эд хөрөнгөтэй холбоотой компанийн хувьцаанд хөрөнгө оруулахад ашиглаж болдог.
Биет түүхий эд худалдаж авах
Та фьючерс(futures) арилжаа хийхдээ биет түүхий эдийг өөрөө худалдаж авах болон зардаггүй. Фьючерсийн арилжаачид хэдэн сая баррель газрын тос эсвэл амьд мал сүргийг шууд нийлүүлдэггүй - фьючерс нь зөвхөн үнийн өөрчлөлт дээр бооцоо тавих явдал юм. Гэсэн хэдий ч алт, мөнгө зэрэг үнэт металлын хувьд хувь хүн хөрөнгө оруулагчид алтан гулдмай, зоос, үнэт эдлэл гэх мэт биет барааг өөрсдөө эзэмшиж болно.
Эдгээр хөрөнгө оруулалт нь танд түүхий эдийн алт, мөнгө болон бусад үнэт металлыг олж авах боломжийг олгож, хөрөнгө оруулалтынхаа бодит жинг мэдрэх боломжийг танд олгодог. Гэхдээ үнэт металлын хувьд гүйлгээний зардал бусад бараатай харьцуулахад өндөр байдаг тул шийдвэр гаргахаасаа өмнө сайн тооцоолол хийх нь чухал байдаг.
Ерөнхийдөө биет түүхий эд нь фьючерсийн гэрээнээс өндөр үнэтэй байдаг ба хөрөнгө оруулалтаа бэлэн мөнгө болгохын тулд тэднийгээ зарахад хэцүү байж магадгүй байдаг. Хэрэв та энэ төрлийн арилжааг сонирхож байгаа бол судалгаа хийж, энэ нь таны хөрөнгө оруулалтын багцад зөв сонголт мөн эсэхийг мэдэхийн тулд түүхий эдийн зөвлөхтэй ярилцаарай.
Түүхий эдийг арилжих нь сайхан санаа мөн үү?
Хэдийгээр түүхий эдийн арилжаа нь өөрийн гэсэн дутагдалтай боловч олон боломжийг олгодог. Юуны өмнө, хэрэв та мэргэжлийн арилжаачин болохыг хүсч байвал янз бүрийн хэрэгслийг хэрхэн арилжаалахаа мэддэг байх ёстой. Бүх хөрөнгүүд өөрийн гэсэн онцлогтой байдаг. Тиймээс та хэдий чинээ хичээнэ төдий чинээ их туршлага хуримтлуулна гэсэн үг.
Гэсэн хэдий ч, та түүхий эдийн арилжаа эхлэхээсээ өмнө аль хөрөнгө нь танд хамгийн их тохирохыг тодорхойлох хэрэгтэй. Илүү алдартай хөрөнгийн хөрвөх чадвар өндөр байдаг гэдгийг санаарай. Тиймээс тэдгээрийг арилжаалах нь эрсдэл багатай байдаг. Хэрэв та анхан шатны арилжаачин бол хөрөнгө сонгох, арилжааны болон эрсдэлийн менежментийн төлөвлөгөө боловсруулахад туслах түүхий эдийн худалдааны зөвлөхтэй зөвлөлдөх нь зүйтэй юм.
Мөн дээр нь, өргөнөөр арилжаалагддаг газрын тос нь маш тогтворгүй түүхий эдийн жагсаалтад багтдаг гэдгийг санах хэрэгтэй. Хэрэв танд эрсдэлтэй хөрөнгийн арилжааны сайн стратеги байхгүй бол газрын тосыг үндсэн хөрөнгө болгон худалдаж авах эсвэл зарах хэрэггүй. Хэрэв та шинэхэн арилжаачин бол, алт гэх мэт илүү найдвартай хөрөнгийг сонгосон нь дээр. Гэхдээ богино хугацаанд алтны зах зээлд ч мөн адил тогтворгүй байдал үүсч болзошгүйг санаарай.
Түүхий эдийн арилжаачдад өгөх зөвлөгөө
Бид танд түүхий эдийн арилжаа эхлүүлэхэд туслах хэдэн зөвлөмжийг цуглуулсан байгаа:
Зах зээлд орохын өмнө та арилжаалах хөрөнгийнхөө талаар илүү ихийг мэдэх хэрэгтэй. Жишээлбэл, хэрэв та газар тариаланг сонирхож байгаа бол кофены зах зээлийн талаар дэлгэрэнгүй уншаарай. Хэдийгээр эрэлт, нийлүүлэлтийн хүчин зүйл нь үнийн чиглэлийн тэргүүлэх барометр боловч зах зээлийн чиглэлд ямар хүчин зүйл нөлөөлж болохыг та үргэлж ойлгож байх хэрэгтэй.
Өндөр ашгийн төлөө бүү гүй. Өндөр ашиг нь нөгөөтэйгүүр эрсдэлийг нэмэгдүүлдэг. Хэрэв та хангалттай туршлагагүй бол маш их зүйлийг алдах магадлалтай.
Арилжаа нээхээсээ өмнө хөрөнгийн үнэд нөлөөлж болох бүх хүчин зүйлийг шалгаарай. Эдийн засгийн календар болон мэдээнүүд нь түүхий эдийг арилжих мэдээллийн гол эх сурвалж болдог. Дэлхийн зах зээлийн төлөв байдалд анхаарлаа хандуулж байхыг зөвлье.
Хөрөнгө болон түүний чиглэлийн талаар итгэлтэй байгаа бол эрсдэл, агшийн харьцааг сайн санаарай. Боломжит ашиг нь боломжит алдагдлаас дор хаяж гурав дахин их байх ёстой.
Түүхий эдийн арилжааны тохиромжтой цаг
Түүхий эдийн арилжаа эхлэхэд хамгийн тохиромжтой цаг гэж байдаггүй, учир нь барааны цагийг хөрөнгийн ангилал болон түүхий эдийн биржээр хуваадаг. Ихэнх түүхий эдийн захууд баасан гарагийн оройноос ням гараг хүртэл хаалттай байдаг. Түүхий эдийн арилжаачдад өгөх цорын ганц зөвлөгөө бол зах зээлийн хөрвөх чадвар нэмэгдэхийн хэрээр арилжааны session бүрийн эхэнд (Австрали, Ази, Европ, Америк) оролцох явдал юм.
Дүгнэлт
Түүхий эдийн зах зээлийн талаар олж мэдсэн зүйлvээ нэгтгэн дүгнэцгээе.
Түүхий эдийн арилжаа нь хөрөнгө оруулагчдад өргөн боломжийг олгодог. Найдвартай хөрөнгөөс авахуулаад асар их хэлбэлзэлтэй хөрөнгө хүртэлх янз бүрийн хөрөнгүүд байдаг тул та өөрийн хүссэн болон арилжаалах боломжтой хөрөнгөө тодорхойлох хэрэгтэй. Энэ нь таны ур чадвар, туршлагаас хамаарна. Хэрэв танд өндөр хэлбэлзэлтэй хөрөнгийн арилжаа хийх хангалттай туршлага, баталгаатай стратеги байхгүй бол эрсдэлд орох хэрэггүй.
LiteFinance нь түүхий эдийн онлайн арилжааг санал болгодог. Хэрэв та түүхий эдийн зах зээлд шинэхэн арилжаачин бол демо арилжааны данс ашиглаж болно. Демо функц нь түүхий эдийн арилжааны стратегийг турших, эрсдэлийн менежментийн төлөвлөгөөг хэрхэн хэрэгжүүлэх, түүнчлэн хөрөнгийн ирээдүйн үнийг тодорхойлох үндсэн шинжилгээ хийх боломжийг олгодог.
Түүхий эдийн арилжааны талаарх түгээмэл асуултууд
Түүхий эдийн арилжаачид түүхий эдийн зах зээл дээр бараа бүтээгдэхүүнийг худалдан авч мөн зардаг. Хөрөнгийг хямд үнээр худалдаж аваад өндөр үнээр зарж мөнгө олдог. Харин тэд эсрэгээр нь хийхдээ алдагдал хүлээдэг. Боломжит эрсдлийг бууруулж, янз бүрийн түүхий эд хөрөнгийн арилжаанд мөнгө алдахгүйн тулд та энэ зах зээлийн талаар гүнзгий ойлголттой байх, демо дансаар арилжаа хийн дадлага хийж мөн хурдан шийдвэр гаргах чадвартай болох хэрэгтэй. Мөн эрсдэл хүлээж, алдагдлыг даван туулах чадвартай байх хэрэгтэй.
Түүхий эдийн арилжаа нь хөрөнгө оруулагчдад газрын тос, байгалийн хий зэрэг эрчим хүчний түүхий эдээс эхлээд эрдэнэ шиш, улаан буудай зэрэг газар тариалангийн бүтээгдэхүүн хүртэлх өргөн хүрээний хөрөнгийн үнийн ирээдүйн өөрчлөлтийн талаар таамаглах боломжийг олгодог. Мөн АНУ-ын Түүхий эдийн фьючерсийн арилжааны комисс (CFTC) зохицуулдаг фьючерсийн гэрээгээр түүхий эдийг арилжих боломжтой. Инфляци өндөр байх үед үнэ нь өсөх хандлагатай байдаг тул түүхий эдийн хувьцааг ихэвчлэн инфляцаас хамгаалах арга гэж үздэг. Эдийн засаг өсч байгаа үед түүхий эдийн эрэлт нэмэгддэг тул эдгээр хөрөнгийг дэлхийн эдийн засгийн өсөлтийн давуу талыг ашиглах боломж гэж харж болдог.
Хоёр зах зээл хоёулаа давуу болон сул талуудтай. Түүхий эдийн зах зээл маш тогтворгүй байдаг нь үнэ хурдан хэлбэлздэг гэсэн үг юм. Гэсэн хэдий ч энэ нь арилжаачдад ашиг олох боломжийг бүрдүүлдэг. Та түүхий эдийн биржээр дамжуулан бараагаа онлайнаар арилжаалах боломжтой. Хувьцаа худалдаж авснаар компанийг хэсэгчлэн эзэмшинэ. Хувьцаа нь түүхий эдээс бага хэлбэлзэлтэй байдаг ч эрсдэлтэй хэвээр байдаг бөгөөд олон шалтгааны улмаас мөнгөө хурдан алдахад хүргэж болзошгүй байдаг. Хувьцааны үнэ нь компанийн гүйцэтгэлээс хамаардаг бөгөөд үүнд дэлхийн эдийн засаг, мэдээ, цуурхал зэрэг олон хүчин зүйл нөлөөлж болно. Аль нь дээр вэ? Хариулт нь таны зорилго, эрсдэлийг даах чадвараас хамаарна.
Түүхий эдүүд нь мөнгө олох гайхалтай арга байж болох ч эхлэхээсээ өмнө хэд хэдэн зүйлийг мэдэж байх хэрэгтэй. Нэгдүгээрт, түүхий эдийн арилжаа хэрхэн явагддагийг ойлгох нь чухал. Үндсэндээ мөнгө олохын тулд та тухайн бараандаа төлснөөс илүүг төлөхөд бэлэн худалдан авагч олох хэрэгтэй. Үүнийг арилжаачид шууд худалдах эсвэл CFD ашиглах замаар хийж болно. Гэсэн хэдий ч эрсдэлтэй гэдгийг санах нь чухал юм. CFD нь танд өндөр ашиг авчрах нарийн төвөгтэй хэрэгсэл боловч нөгөө талаас жижиглэнгийн хөрөнгө оруулагчдын дансыг хурдан хоосроход хүргэж болзошгүй юм.
Арилжааны хувьд хамгийн сайн түүхий эд гэж байдаггүй. Энэ нь таны ур чадвар, сонголтоос хамаарна. Хэрэв та мэргэжлийн арилжаачин бол эрсдэл өндөртэй газрын тосыг сонгож болно. Үүний зэрэгцээ, хэрэв та шинэхэн арилжаачин бол алт, мөнгө зэрэг үнэт металлыг анхаарч үзэх хэрэгтэй. Багцыг ямар ч төрлийн бараа бүтээгдэхүүнд танилцуулахаас өмнө арилжачид тухайн хэрэгслийн талаар мэдлэгтэй болж, үр ашигтай арилжааны стратеги боловсруулах хэрэгтэй. Үгүй бол жижиглэнгийн хөрөнгө оруулагчид нь дансан дахь их хэмжээний мөнгөө алдах эрсдэл өндөр байдаг.
Түүхий эдийн арилжааг эхлүүлэх хамгийн хялбар арга бол найдвартай брокер эсвэл арилжааны платформ олох явдал юм. LiteFinance нь хамгийн алдартай түүхий эдийн хөрөнгийн ангиллыг арилжаалах боломжийг олгодог. Мөн маржин арилжаа нь хязгаарлагдмал хөрөнгөөр арилжаа эхлүүлэх боломжийг олгодог. Гэсэн хэдий ч хөшүүрэгтэй арилжаа хийх нь жижиглэнгийн хөрөнгө оруулагчийн хувьд дансан дахь хөрөнгөө алдах эрсдэлийг бий болгодог. Иймд түүхий эдийн арилжаа хийж эхлэхээсээ өмнө шаардлагатай мэдлэг, туршлагыг олж авах нь маш чухал юм.
Яг тодорхой хариулт байдаггүй. Төрөл бүрийн түүхий эдүүд болон хувьцаанууд байдаг. Түүхий эдийн хөрөнгөд найдвартай хөрөнгө болох алт мөн эрсдэлтэй хөнгө буюу газрын тос гэх мэт багтдаг. Үүний зэрэгцээ цэнхэр чиптэй хувьцаанууд, пенни хувьцаанууд байдаг. Аль аль зах зээл нь томорсон болон бага хэлбэлзэлтэй үеийг туулдаг. Боломжит ашгаа нэмэгдүүлж, эрс алдагдлаас зайлсхийхийн тулд хувьцаа, түүхий эдийн арилжааны стратегийг хэрэгжүүлдэг байх нь чухал юм.
Түүхий эдийн арилжаанд шаардагдах хамгийн бага хэмжээг брокер тань тогтооно. Хэрэв та түүхий эдийн CFD арилжаа хийвэл арилжааны үнийг бүрэн хэмжээгээр байршуулах шаардлагагүй бөгөөд үүний оронд та анхны хөрөнгөө нэмэгдүүлэх хөшүүргийг ашиглаж болдог. Хамгийн бага хэмжээ нь брокерын шаардлагаас хамаардаг. Гэсэн хэдий ч, CFD арилжаалах үед мөнгөө мэдэгдэхүйц өсөх боломжтой ч, ялангуяа эдгээр санхүүгийн хэрэгслийг арилжаалах хангалттай туршлага, ур чадвар байхгүй бол маш хурдан алдагдал хүлээх боломжтой гэдгийг анхаарна уу.
Бид яагаад хувьцаа болон түүхий эдийн арилжааг харьцуулдаг вэ? Учир нь хоёр зах зээл нь арилжааны янз бүрийн боломжийг олгодог. Хөрөнгийн болон түүхий эдийн зах зээл аль аль нь эрсдэлтэй мөн найдвартай хөрөнгүүдийг агуулдаг бөгөөд та өөрийн арилжааны арга барилаас хамааран арилжих боломжтой. Үүний зэрэгцээ түүхий эдийг ихэвчлэн богино хугацааны хөрөнгө оруулалтад ашигладаг бол хөрөнгийн зах зээл нь урт хугацааны хөрөнгө оруулалт хийхэд илүү тохиромжтой байдаг.
Хамгийн их арилжаалагддаг түүхий эдэд газрын тос, байгалийн хий болон алт ордог. Газрын тос нь хамгийн алдартай бас савлагаа ихтэй байгалийн баялгийн нэг юм. Мөнгөө алдах эрсдэл өндөр байдаг хэдий ч бас ашиг олох боломж нь их. Байгалийн хий нь газрын тосноос илүү эрсдэлтэй, гэхдээ тогтворгүй байдал нь илүү их учраас илүү ашигтай бүтээгдэхүүн гэж тооцогддог. Дэлхийн эдийн засаг тодорхойгүй байгаа энэ үед алт бол хөрөнгө оруулагчдын хувьд найдвартай орогнох газар юм. Уг хөрөнгийн ханш маш их хэлбэлзэлтэй байдаг тул хөрөнгө оруулахаасаа өмнө судалгаа сайн хийх нь чухал байдаг.
Нэмэх нь, Миний нийтлэл таалагдасан уу? Цахим сүлжээд түгээгээрэй: энэ нь хамгийн шилдэг "баярлалаа" байх болно :)
Хэрэгтэй холбоосууд:
- Би найдвартай брокертой арилжаа хийхийг зөвлөж байна эндээс. Энэхүү систем нь танд өөрөө арилжаа хийх эсвэл дэлхийн өнцөг булан бүрээс амжилттай арилжаачдыг хуулбарлах боломжийг олгодог.
- LiteFinance платформ дээр орлогын урамшуулал 50% авахын тулд миний сурталчилгааны кодыг BLOG ашиглана уу. Арилжааны дансаа орлого оруулах үед энэ кодыг тохирох талбарт оруулна уу.
- Арилжаачдад зориулсан Telegram чат: https://t.me/litefinance. Бид сигнал болон арилжааны туршлагаа хуваалцаж байна
- Өндөр чанарын аналитик, Форекс тойм, сургалтын нийтлэл болон арилжаачдад хэрэгтэй бусад зүйлс бүхий Telegram суваг https://t.me/litefinance
Энэ нийтлэлийн агуулга нь зөвхөн зохиогчийн үзэл бодлыг илэрхийлж байгаа бөгөөд LiteFinance брокерын албан ёсны байр суурийг илэрхийлэхгүй. Энэ хуудсанд нийтлэгдсэн материалыг зөвхөн мэдээллийн зорилгоор хүргэж байгаа бөгөөд 2014/65/EU Дүрмийн хүрээнд хөрөнгө оруулалтын зөвлөгөө гэж үзэхгүй байхыг хүсье.
Зохиогчийн эрхийн хуулийн дагуу энэ нийтлэл нь оюуны өмч гэж тооцогдох бөгөөд зөвшөөрөлгүйгээр хуулбарлах болон түгээхийг хориглоно.
