Форекс Форексын захиалгын блокууд гэж юу вэ

2025.07.31 2025.07.31 Форекс Форексын захиалгын блокууд гэж юу вэ

Олег Ткаченко (Oleg Tkachenko)https://www.litefinance.org/mn/blog/authors/oleg-tkachenko/

15 жилийн турш Форекс дээр арилжаа хийсний дараа, захиалгын блок (order block) бол институцийн тоглогчдын үйлдлийг илчлэх хүчирхэг хэрэгсэл гэдэг нь надад тодорхой болсон. Захиалгын блок нь гол зах зээлийн оролцогчид буюу маркет мэйкерүүд томоохон захиалгуудыг байршуулах бүс бөгөөд эдгээрийг жижиг блок болгон хувааж, трендийг эргүүлж, нарийн арилжаа хийх боломжийг бий болгодог байна.

Энэ нийтлэлд захиалгын блокыг чартаас хэрхэн илрүүлэх, түүгээр зах зээлд хэрхэн орох, мөн стратегиа индикаторуудаар хэрхэн сайжруулах талаар тайлбарлана. Та эргэлтийн цэгийг хэрхэн таних, мэргэжлийн арилжаачин шиг арилжаа хийх талаар суралцах болно. Зах зээлийн механизмыг ойлгож, ашиг олоход бэлэн болцгооё!

Гол Авч Үзэх Зүйлс

• Захиалгын блок нь институцийн арилжаачид томоохон захиалга байршуулдаг ханшийн бүс бөгөөд эдгээр захиалгыг ханшид гэнэт нөлөөлөхөөс сэргийлж хэсэг хэсгээр хуваан байршуулдаг.
• Захиалгын блок нь ихэвчлэн трендийн эргэлтийн дохио болдог. Учир нь энэ бүс нь зах зээлийн хөрвөх чадварыг шингээж, ханшийн чиглэлийг өөрчилдөг үнэ бүхий мужийг төлөөлдөг.
• Захиалгын блок нь ихэнхдээ чартад Engulfing паттерн шиг харагддаг. Эхний эргэлтийн дараа ханш энэ бүс рүү буцаж ирээд тест хийгээд дахин холдож, шинэ тренд эхэлдэг. Захиалгын блокийг H1 эсвэл H4 зэрэг өндөр timeframe-үүд дээр илүү сайн илрүүлж болдог.
• Захиалгын блокийн төрлүүд: bullish (уналтын тренд дэх), bearish (өсөлтийн тренд дэх), breaker (бүсийн breakout), rejection (огцом ойлт), vacuum (огцом хөдөлгөөний дараах gap).
• Хэрхэн олж тогтоох вэ: Захиалгын блокыг тодорхойлохын тулд эхлээд Engulfing паттерн олно, өмнөх лаанаас эхлэн тэгш өнцөгт зурна, үнэ шинэ трендийн чиглэлд тухайн бүсийг нэвтлэх үед арилжаа нээнэ, блокийн хамгийн өндөр эсвэл хамгийн нам түвшнээс цааш стоп-лосс тавина.
• Order Block, Order Block Breaker, Order Block Edge, Accumulation/Distribution зэрэг индикаторууд нь гол бүсүүдийг тодорхойлох, вольюм болон лааны хэлбэрүүдийг шинжилж чиглэлийн өөрчлөлтийг баталгаажуулахад тусалдаг.
• Давуу талууд: Оролт/гаралтын цэгийг нарийн тогтоох боломжтой, хүлээгдэж буй захиалгатай сайн зохицдог, өдрийн дотор болон дунд хугацааны арилжаанд тохиромжтой. Сул талууд: Шууд график дээр тодорхойлох нь төвөгтэй байдаг.
• Стратеги: Трендийг тодорхойлно, Engulfing паттернийг хайна, тухайн бүсийг тодорхойлно, үнэ буцаж ирээд бүсийг нэвтлэхийг хүлээнэ, чиглэл өөрчлөгдсөнийг баталсны дараа трендийн чиглэлд арилжаа нээнэ.

Форексын захиалгын блок гэж юу вэ

Захиалгын блокууд нь зах зээлийн томоохон оролцогчид томоохон захиалга өгдөг эрэлт, нийлүүлэлтийн бүс юм. Их хэмжээний захиалга нь үнийн огцом өөрчлөлтийг үүсгэж болзошгүй тул үүнийг жижиг захиалгын блокуудад хуваадаг бөгөөд эсрэг захиалгын хөрвөх чадвар хуримтлагдах тусам гүйцэтгэгддэг. Энэхүү стратеги нь төв банк болон бусад санхүүгийн байгууллагууд гэх мэт институциональ арилжаачид ханшид мэдэгдэхүйц нөлөө үзүүлэхгүйгээр томоохон захиалгыг бүрэн гүйцэд гүйцэтгэх боломжийг олгодог.

График дээр захиалгын блок нь институциональ хөрөнгө оруулагчдын шахалт дор үнэ нь эргэж, дараа нь бүс рүү буцаж, эцэст нь анхны чиглэлээ өөрчилдөг бүс шиг харагддаг байна.

Захиалгын блокийн хүрээ нь жижигрүүлсэн масштабаар тодорхой харагдаж байна. Цэнхэр, улаан шугамууд нь тус тусын дэмжлэг ба эсэргүүцлийн түвшин юм. Эсэргүүцлийн түвшинд томоохон арилжаачдын зарах захиалгад шингэсэн хөрвөх чадварын хуримтлал бий болдог. Худалдан авах дарамтын дор үнэ өсөж, market makers-ийн борлуулалтын захиалгууд байрладаг түвшинд хүрээд, буцдаг. Ийм бөөгнөрөл бүхий лаанууд нь улаан сумаар тэмдэглэгдсэн байна.

Энэ нь өсөлтийн захиалгын блокуудтай адил юм. Үнэ нь дэмжлэгийг нэвтлэхийг оролдсон боловч томоохон арилжаачдын дэмжлэгийн түвшинд байрлуулсан худалдан авах захиалгыг өдөөснөөр ханшийн өсөлтөд хүргэжээ. Дараа нь үнэ дахин дэмжлэгийн түвшинд хүрэхийг оролдсон (цэнхэр сум) боловч market makers-ийн худалдан авах захиалга тэндээс идэвхижсэн байна.

Захиалгын блокын төрлүүд

Хангалттай арилжааны хэмжээгүй нэг том захиалга нь зах зээлийн бүтцийг өөрчилж, gap үүсхэд хүргэж болзошгүй. Гэхдээ үүнийг жижиг, удирдах боломжтой блокуудад хуваавал, жишээлбэл, 10 минут тутамд ижил хэмжээгээр тохируулах юм бол зах зээлийн бүтэц аажмаар өөрчлөгдөнө.

M15 timeframe-д та хэд хэдэн лаанууд дээш эсвэл доошоо явж байгааг харах болно. Гэхдээ H1 эсвэл H4 timeframe-ийн хувьд энэ нь захиалгын блокуудаас бүрдэх нэг том лаа болно. Тиймээс захиалгын блокуудыг бас паттерэ гэж үздэг.

Арилжааны захиалгын блокууд нь трендийн экстрем цэгүүд болон үнийн хөдөлгөөний эхэн үед үүсдэг. Тэдгээр нь янз бүрийн хэлбэрээр гарч ирж болох боловч ханшийн паттерн нь нийтлэг шинж чанартай байдаг. Форексын захиалгын блокууд нь:

Өсөлтийн захиалгын блокууд

Өсөлтийн захиалгын блокууд нь уналтын трендэд үүсдэг бөгөөд үүний дараа ханш өсдөг.

Өсөлтийн захиалгын блок нь хамгийн сүүлийн доош (баавгай) хаагдсан лааны, дараа үүссэн өсөлттэй (бухын) лаа байх ба өмнөх уналтын лааны дээд цэгээс дээр хаагдсан байдаг. Графикийн шинжилгээний хувьд энэ нь Engulfing паттерн юм.

Эхний тохиолдолд, худалдан авах блокуудаас бүрдсэн өсөлтийн engulfing лаа нь өмнөх уналттай лааг бүрэн давсан байна. Хоёр дахь тохиолдолд шууд өсөлтийн лаа нь илүү гарч чадаагүй байна. Эхлээд бууралтын лаа нь дэмжлэгийн түвшинд буцаж очихыг оролдсон боловч зарах захиалгын хэмжээ нь худалдан авах захиалгын хэд хэдэн блокоор дарагдсан байна. Тэдний гүйцэтгэл нь хоёр лаа үүсч байж уналттай лааг давхад хүргэсэн байна. Борлуулагчид захиалгаа өгсөөр байгаа бөгөөд ханш дахин буурчээ. Гэсэн ч ахиад, худалдан авах захиалгууд хэмжээг нь давж шинэ өсөлт эхэлсэн байна.

Уналтын захиалгын блокууд

Баавгайн буюу уналтын захиалгын блокууд нь өсөлтийн трендэд үүсдэг бөгөөд ханшийн уналтын дагуулдаг байна.

Уналтын захиалгын блок нь өсөлтийн захиалгын блокын яг эсрэг нь гэсэн үг. Жишээн дээр худалдан авагчид ханшийг өсөгөсөн боловч тодорхой түвшинд тэд борлуулагчдын холбогдох захиалгын блокуудтай уулзжээ. Эрэлт хангагдаж, баавгайн захиалгын блокууд бүхий лаан дээр том сүүдэр (утас) үүсч бараг л нээлтийн түвшиндээ буцаж ирсэн байна. Захиалгын блокуудын драагаас ханш буурч эхэлсэн байна. Ерөнхийдөө худалдан авагчид хангалттай хөрвөх чадвартай байсан тул улаан лаа урт сүүдэртэй байжээ.

Жижиглэнгийн худалдан авагчид институциональ борлуулагчдын (sellers) тэдний эсрэг хийх зарах захиалгын талаар бэлтгэлгүй байжээ. Ханш худалдан авахад таатай түвшинд хүрэхэд, худалдан авагчид дахин уналтын захиалгын блокуудтай тулгарчээ.

Нэвтлэгч (Breaker) блок

Чартын шинжилгээнд нэвтлэгч буюу breaker блок гэдэг нь өмнө нь байгууллагын арилжаачдын их хэмжээний захиалга хуримтлагдсан бүсийг үнэ нэвтэлснээс хойш үүсдэг паттерныг хэлдэг. Энгийн захиалгын блокт энэ бүс нь дэмжлэг эсвэл эсэргүүцлийн түвшин болж өгдөг бөгөөд энэ үед ханшийн хөдөлгөөн удааширч эсвэл эргэх магадлалтай байдаг. Харин үнэ дээрээсээ уг бүсийг нэвтэлсэн тохиолдолд тэнцвэр борлуулагчдын талд шилжиж буйг илтгэнэ. Үүний дараа үнэ тухайн бүс рүү буцаж ирэх нь элбэг бөгөөд энэ дахин шалгалт нь нэвтлэгч блок үүсэх шалтгаан болдог.

Доор захиалгын блокыг хэрхэн тодорхойлох талаар заавар өгөгдсөн байгаа.

Чарт дээр үнэ хажуу тийшээ хэлбэлзжээ (1), энэ нь захиалга хуримтлагдаж, зах зээлийн хүчнүүд тэнцвэртэй байгааг илтгэж байна. Үүний дараа ханш өсөөд эргэж, гол түвшинг дахин шалгасан байна (2). Хэрэв ханш тухайн гол түвшингээс дээш үсрэн гарсан бол энэ нь уналтын захиалгын блок байсныг илтгэнэ. Гэвч ханш уг бүсийг (3) дээр нэвтэлж, дараа нь дахин шалгасан байна (4). Энэ дахин шалгалтын үед нэвтлэгч (breaker) блок үүсэж, уналтын эсэргүүцлийн түвшин бий болжээ. Үүний улмаас ханш унаж, уналтын захиалгын блокын (5) дэмжлэгийн түвшинд (6) хүрсэн байна.

Энэ паттерныг ашиглан 4 дэх цэг дээр шорт оролт, 6 дахь цэг дээр лонг оролт хийх боломжтой. Зорилтот түвшин нь дэмжлэг болон эсэргүүцэл болж буй захиалгын блокууд дээр байрлана.

Няцаалтын (Rejection) блок

Няцаалтын (rejection) блок нь зах зээл тодорхой чиг хандлагагүй, өндөр хэлбэлзэлтэй үед үүсдэг ховор паттерн юм. Энэ блок нь эсэргүүцлийн эсвэл дэмжлэгийн бүс гэж тооцогддог. Захиалгын блокийн хүрээг лааны урт сүүдэр буюу утсаар нь тодорхойлдог. Жишээлбэл, доод сүүдэр нь зах зээлд поош чиглэлийн шахалт амжилтгүй болсныг илтгэж байвал няцаалтын блок үүсдэг гэсэн үг. Ханшийн хөдөлгөөн хэсэг хугацааны дараа дахин энэ бүс рүү эргэн ирдэг. Үүнээс хойш үнийн өсөлт эхэлбэл энэ нь арилжаа нээх ашигтай боломжыг үүсгэдэг.

Доорх жишээ нь арилжаанд хэрхэн няцаалтын блок үүсдэгийг харуулж байна.

График дээр бие бараг байхгүй, доороо урт сүүдэртэй лаа буюу Дожи лаа үүсдэг. Уг сүүдэр нь өмнөх нарийн ханшийн хүрээтэй давхцаж, захиалгын блокийн хүрээг тогтоодог. Үүний үр дүнд ханш энэ хүрээг хэд хэдэн удаа тест хийж, тус бүсээс эргэн хөдөлдөг байна.

Вакуум (Vacuum) блок

Вакуум захиалгын блок нь тодорхой нэгэн үйл явдлын улмаас хүчтэй импульс хөдөлгөөн үүссэний дараа бий болдог ханшийн зай буюу gap-ийг илэрхийлдэг. Ийм огцом ханшийн хөдөлгөөний үед байгууллагын хөрөнгө оруулагчид “түргэн цуцдаг” ба ханшийн тодорхой хүрээнд хөрвөх чадвар буюу вольюм үлдээгүй байдаг.

Вакуум захиалгын блокийн онцлог:

• Хөрвөх чадварын дутагдал. Огцом ханшийн хөдөлгөөний улмаас богино хугацааны хөрвөх чадвар алдагддаг. Энэ ханшийн хүрээнд бараг ямар ч арилжаа явагдаагүй байдаг бөгөөд үүний улмаас график дээр зай үүсдэг.
• Хүчтэй түвшин бүрэлдэх. Зай үүссэний дараа ханш тухайн хүрээ рүү эргэн ирэх хандлагатай байдаг. Энэ “вакуум” нөхөгдсөний дараа ханш хүчтэй түвшнээс эргэн хөдөлж, давамгай трендийн дагуу үргэлжилдэг. Энэхүү эргэлт нь арилжаа нээх дохио болдог.

График дээр вакуум блокийг харуулсан жишээ харагдаж байна.

Чарт дээр ханш дэмжлэгийн бүс үүсгээд, уг бүсийн дээгүүр gap буюу зай үүссэн байна. Ханш маш огцом өссөн тул энэ тодорхой хүрээнд ямар ч захиалга байгаагүй байна. Ерөнхийдөө зай үүсэх нь ханш тухайн чиглэл рүүгээ үргэлжлэн хөдөлнө гэсэн хүчтэй дохиог өгдөг. Гэхдээ вакуум захиалгын блокийн хувьд энэ нь эсрэгээрээ байдаг.

Зай үүсэх шинж чанар нь өөр. Энэ нь илүү санамсаргүй бөгөөд хөрвөх чадвар тухайн хүрээг нөхөх хандлагатай байдаг. Бидний жишээнд ханш тухайн бүсэд хүрэх гэж оролдож байгаа нь харагдаж байна. Хэрэв захиалгын блок дэмжлэгийн түвшин болж өгвөл дээрх скриншотод үзүүлсэн шиг ханш тухайн түвшнээс эргэн өсөх үед лонг позиц нээх боломжтой.

Захиалгын блокын арилжаа хэрхэн ажилладаг вэ?

Ханшийн блок захиалгыг дараах байдлаар тайлбарлаж болно.

1. Дэмжлэг ба эсэргүүцлийн бүсүүд

Захиалгын блок гэдэг нь худалдан авах болон зарах захиалга ихтэй хэсэг юм. Энэ нь хүчтэй дэмжлэг эсвэл эсэргүүцлийг бий болгодог – ханш дотор нь хөдөлдөг суваг юм.

2. Стоплоссын бүс

Захиалгын блок нь позицыг болзошгүй алдагдлаас хамгаалахын тулд арилжаачид строплоссоо байрлуулдаг бүс юм. Үнэ тухайн хэсэгт хүрэхэд тэдгээрийн олонх нь цохигдож болох бөгөөд энэ нь трендийг эргэхэд хүргэдэг.

Богино timeframe дээр захиалгын блокууд нь хуримтлагдах бүс мэт харагдана. Энд томоохон хөрөнгө оруулагч аажмаар гүйцэтгэсэн захиалгыг жигд хуваарилж, үнийн жигд өөрчлөлтийг бий болгодог. Илүү урт timeframe-д engulfing лаа харагдана.

Форекс арилжаанд захиалгын блокыг хэрхэн тодорхойлох вэ?

Форекс захиалгын блок нь трендийн чиглэл өөрчлөгдөхөөс өмнө гарч ирдэг, өөрөөр хэлбэл дээш доош хүчтэй хөдөлгөөний өмнө. Институциональ арилжаачдын захиалгын хэмжээ нь захиалгын блокуудын хүрээнээс давсан engulfing лааг үүсгэдэг. Дараа нь залруулга хөдөлгөөний ханш хүрээ рүү буцаж, институциональ арилжаачны захиалга дахин ажилладаг.

Захиалгын блокуудыг хэрхэн таних вэ?

Захиалгын блокуудыг тодорхойлохын тулд гурван энгийн алхмуудыг дагаарай:

• Engulfing паттернийг илрүүлэх;
• Engulfing-ийн өмнөх лаанаас баруун тийш тэгш өнцөгтийг зурах. Энэ нь захиалгын блокуудын хүрээг үүсгэдэг;
• Үнэ хүрээ рүү буцаж очоод түүнээс давсан тохиолдолд шинэ трендийн чиглэлд позиц нээнэ.

Захиалгын блокуудын хэлбэр өөр өөр байж болно. Жишээлбэл, engulfing нь нэг биш хоёр лаа байж болно. Эсвэл ханш нь хүрээнд буцаж ирэхдээ зөвхөн шүргээд өнгөрөх боломжтой.

Энэхүү жишээнд ногоон engulfing лаа нь өмнөх улаан лаатай тэнцүү боловч үүнийг паттерн гэж үзэж болно. Улаан лаанаас баруун тийш тэгш өнцөгт зурсан байна. Үнэ тэгш өнцөгтрүү буцаж, хүрээний дэмжлэгийн түвшинд хүрсэн боловч томоохон худалдан авагчдийн захиалгын блокуудын дарамтын дор өсөж эхэлсэн байна. Та хүрээг давж гарсан лаан дээр позиц нээж болно.

Ашигтай захиалгын блокуудын онцлогууд

Захиалгын блокуудыг тодорхойлох хэд хэдэн шалгуур байдаг.

Тренд

Блок захиалгууд нь урт хугацааны тренд хэлбэрээр үүсдэг. Жишээлбэл, томоохон хөрөнгө оруулагч элэгдэлд орсон хөрөнгийг удаан хугацаанд ажиглаж, эцэст нь хэсэгчлэн худалдаж авдаг. Volume нь ханшийг эргүүлэхэд хангалттай байдаг. Гэвч томоохон хөрөнгө оруулагч зах зээлд хэсэг хэсгээрээ орж ирдэг тул зах зээлийн бүтэц аажмаар өөрчлөгдөж, худалдаачны захиалгыг хамгийн сайн үнээр гүйцэтгэдэг.

Арилжааны хэмжээ (volume)

Арилжааны хэмжээ их байдаг тул Форекс зах зээлийг хөрвөх чадвараар дүүргэх ёстой. Жижиглэнгийн арилжаачид тааварлахуйц байлгахгүйн тулд market maker нь их хэмжээний volume-ийг харуулах ёсгүй. Хэрэв market maker нийт худалдан авах захиалгын үнийн дүнгийн 1/10-ийг зах зээлд байршуулсан боловч хөрвөх чадвар байхгүй бол захиалгын дараагийн 1/10-ийг sell хийх хүн байхгүй болно.

Эсрэг захиалгын байнгын урсгал байгаа тохиолдолд захиалгын блок ажиллах болно. Борлуулагчид үнэ буурна гэдэгт итгэлтэй байх ёстой, тэгвэл market maker зөвхөн зарах захиалгыг шингээх хэрэгтэй болно.

Timeframe

Market maker-ийн хуваах захиалгууд нь дарааллаар тавигддаг тул захиалгын блок үүсэх нь зөвхөн илүү урт хугацаанд харагдах бөгөөд бүх захиалгын хэмжээг нэг лаа болгон нэгтгэдэг.

Блок захиалга нь эрэлт, нийлүүлэлтийн бүстэй ижил төстэй зүйл юм. График дээр тэд ижил төстэй харагддаг байна: хүчтэй дэмжлэг эсвэл эсэргүүцлийн түвшиндэх үнийн зогсолт, тэдгээрийг тестлэх, мөн pullback хийх. Гэсэн хэдий ч тэдний мөн чанар өөр өөр байдаг.

Яагаад захиалгын блокууд үүсдэг вэ?

Худалдан авах, зарах захиалгын тэнцвэрт байдлаас шалтгаалан үнэ үүсдэг. Тухайлбал, томоохон хөрөнгө оруулагч 1000 ширхэг хувьцаа авхыг хүчс байна гэж үзье. Харин зах зээл дээр одоогийн санал болгож буй үнээр нийт volume нь ердөө 200 ширхэг байна. Хэрэв худалдан авагч-хөрөнгө оруулагч нь бүхэл бүтэн volume-ийг нэг дарааллаар оруулбал борлуулагчид түүний сонирхлыг хараад шууд үнийг өсгөх болно. Хувьцааны үнэ огцом өсөж, хөрөнгө оруулагч үлдэгдэл 800 үнэт цаасыг өндөр үнээр худалдаж авна.

Институциональ хөрөнгө оруулагчид үнийн өсөлтийг сонирхдоггүй тул дараахь зүйлийг хийдэг:

1. 1000 ширхэг хувьцааны захиалгыг хэд хэдэн хэсэгт хуваана. Жишээлбэл, тус бүр нь 100 ширхэг хувьцааны 10 захиалгад.
2. Зах зээл нь 200 ширхэг хувьцааг санал болгож байгаа бол ханшийн томоохон өөрчлөлтийг үүсгэхгүйгээр эхний захиалгыг хийнэ.
3. Зах зээлд шинэ борлуулагчид орж ирж байвал. Зах зээл нь динамик учраас шинэ хөрвөх чадвар аажмаар хуримтлагдах болно. Ингэснээр хөрөнгө оруулагч дараагийн захиалгыг тавьдаг бөгөөд зах зээлийн тогтворгүй байдлыг нэмэгдүүлэхгүйгээр хамгийн сайн үнээр гүйцэтгэж чадна.

Энэ жишээн дээрх захиалгын блокууд нь 100 хувьцааны маш жижиг захиалга юм. График дээр тэд арилжаачдын хөрвөх чадварыг аажмаар шингээж байгаа мэт харагдаж байгаа бөгөөд үүний үр дүнд хуримтлагдах бүс үүсдэг.

Захиалгын блокуудын арилжааны стратегийн жишээ

Форекс захиалгын блокын арилжааны стратеги нь томоохон хөрөнгө оруулагчид захиалгын блок тавих бүсийг олж мэдэх ёстой гэсэн үг юм. Үнэ нь энэ эрэлт, нийлүүлэлтийн бүсээс давж гарсан үед арилжаанд ордог.

Өсөлтийн захиалгын блокууд

Өсөлтийн захиалгын блокууд нь уналтын трендэд үүсдэг. Хэзээ нэгэн цагт институциональ хөрөнгө оруулагчид тухайн хөрөнгийг аль хэдийн хангалттай ханш хүртэл унасан гэж шийдэн түүнийг худалдаж авч эхлэх боломжтой. Хөрөнгийн үнийг огцом өсөхгүйн тулд тэд хэд хэдэн жижиг захиалгыг өгдөг.

Үнэ эргэж, хэсэг хугацаанд өсөж, дараа нь market makers хөрөнгийг худалдан авч эхэлсэн өсөлтийн захиалгын блок руу дахин буцаж ирдэг. Үнэ захиалгын блокуудын хязгаараас гарах үед арилжаа хийгдэнэ.

Захиалгын блокын арилжааны стратеги

Арилжаанд дараах алгоритмын дагуу орно:

• Уналтын трендийг илрүүлэх;
• Уналтын тренднд өмнөх улаан лааг лавж хаагдсан ногоон лаа (1) үүсэх – энэ нь захиалгын блокын бүс үүсэж байгааг илтгэх дохио юм.
• Лаанаас баруун тийш тэгш өнцөгт зурна (2) – энэ нь захиалгын блокын боломжит хүрээ юм;
• Лаа (1)-ийн дараа үнэ бага зэрэг өсөх боловч институциональ худалдан авагчид уг хөрөнгийг шинэ үнээр худалдаж авахыг хүсэхгүй байна. Иймд ханш нь хүрээ рүү буцжээ. Энэ бүс нь market makers захиалгын багцыг агуулдаг.
• Худалдан авах дарамтын дор үнэ дахин өсөж эхлэв. Дахин хэлэхэд, томоохон худалдан авагчид уг хөрөнгийг худалдаж авахыг хүсээгүй ч ханш өсжээ. (4)-р хэсэг нь жижиг биетэй лаануудаас бүрдсэн байна. Ханш захиалгын блокуудын хүрээнд дахин буцаж ирсэн байна (5);
• Хүрээний дараагийн breakout нь том биетэй лаа байв. Дараагийн лаа нь (6) мөн өсч байна; тэнд поциз нээх боломжтой. Стоплоссыг нь (2)-р лааны доор байрлуулна.

Та хэд хэдэн зүйлсийг анхаарч үзэх хэрэгтэй:

1. Захиалгын блок паттерн нь ханш тухайн хүрээрүү заавал буцаж ирэх ёстой гэсэн үг юм. Гэхдээ үнэ нь максимумдаа, тухайн хүрээний доод цэг эсвэл ядаж дунд түвшинд ёстой. Энэ нь шинэ доод цэгийг үүсгэх ёсгүй, учир нь ингэснээр үүссэн хүрээ нь том худалдан авагчидтай холбоогүй буурах хандлага дахь түр зуурын хуримтлагдах бүс байх боломжтойг илтгэнэ.
2. Эргэлтийн цэг болон хүрээнд буцаж ирэх цэгийн хоорондох зай харьцангуй бага байх ёстой. Харьцангуй байдал нь timeframe-ээр тодорхойлогддог. Гэхдээ хэрэв энэ зайд үнэ олон удаа чиглэлээ өөрчилвөл паттернийг сул гэж тооцно.
3. Захиалгын блок бүр нь ханшийн эргэлтийн дохио биш юм. Гэхдээ үнэ хэд хэдэн удаа тухайн бүсэд буцаж ирэх нь тренд буцах магадлал нэмэгдэж буйг илтгэдэг. Ихэнх тохиолдолд нэг удаа буцаж ирсний дараа үнэ чиглэлээ өөрчилдөг боловч дээрх жишээнээс харахад нэг удаа хангалтгүй байж болхыг харж болно.

Бага зэрэг дадлага хийснээр та трендийг үргэлжлүүлдэг хуримтлагдах бүсээс захиалгын блокын паттернийг дхурдан ялгаж сурах болно.

Уналтын захиалгын блокууд

Уналтын захиалгын блок нь өсөлтийн захиалгын блокын яг эсрэг нь юм. Өсөлтийн трендэд engulfing хоёр лаатай үүсэх ёстой. Сүүлийн өсөлттэй лаанаас та зорилтот ханшийн бүсийг тодорхойлсон тэгш өнцөгтийг баруун тийш зурна. Түүний өргөн нь Дээд ба доод үнийн хоорондох зайтай тохирч байх хэрэгтэй. Худалдан авагчид позицоо хадгалхыг хичээсэн ч тэдний захиалгыг market makers-борлуулагчдын volume дардаг. Ханш хүрээнээс гарсны дараа та шорт позиц нээх боломжтой.

Хамгийн сайн захиалгын блокын индикаторууд

Захиалгын блокын тусгай индикаторууд нь чарт дахь харгалзах лаануудыг тэмдэглэдэг техникийн шинжилгээний хэрэгсэл юм. Эдгээр нь нэмэлт мэдээллийн самбартай байж болох бөгөөд ихэнх нь лааны хэмжээг тооцдог.

Order Блок Indicator Захиалгын блокийн үзүүлэлт

Индикатор нь сүүлийн 1-2 захиалгын блок үүсэхийг харуулж байна. Тэдгээр нь тусдаа лаануудтай тодорхой холбогдсон бөгөөд индикаторын дагуу бол market makers-ийн хэд хэдэн захиалга байрласан байна.

Захиалгын блокийн индикатор нь мэдээллийн самбартай. Дээрх screenshot-д самбарыг нуусан байгаа бөгөөд ингэснээр захиалгын блок өөрөө сайн харагдах болно. Самбар дээр та хүрээнүүдийн харагдацыг өөрчлөх боломжтой: бусад timeframe-ийн үнийн хэсгийг нэмэх, тодорхой үнийн санал бүхий бүсүүдийг тохируулах гэх мэт.

Order Block Breaker индикатор

Энэ бол захиалгын блок индикаторын өөр нэг хувилбар бөгөөд үнийн түүхэн дэх хүрээнүүдийг харуулдаг. Үүний харагдах байдал нь тийм ч тохиромжтой биш боловч бүсүүдийн ил тод байдлыг тохиргоонд зааж өгч болно. Хүрээнүүдийн тодорхойлолт нь гол лаа болон эргэлтийн паттернтай холбогдоогүй ба харьцангуй болхи байна. Order Block Breaker индикаторыг трендийн эргэлтийг баталгаажуулахад ашиглаж болно.

Order Block Edge

Богино timeframe-ийн хувьд энэ индикатор нь зах зээлд оролцогчдын захиалгын блокуудын боломжит бүсүүд болон трендийн эргэлтийн бүс үүсэхийг харуулдаг байна. Order Block Edge нь трендийн эргэлтийн дараа стоп түвшингүүдийг тодорхойлоход тохиромжтой.

Хуримтлалт (Accumulation) / Тархалт (Distribution)

Accumulation/distribution индикатор нь үнэ өөрчлөгдөхөд түүнийг жинлэх хүчин зүйл болдог. Энэ нь арилжааны хэмжээ болон үнийн өөрчлөлтийн хоорондын хамаарлыг харуулдаг. Хэрэв индикатор өсвөл зах зээл нь хуримтлалтай (худалдан авах) үе шатанд байна; харин унавал борлуулалтын дарамт нэмэгдсэн гэж үздэг.

Энэхүү индикаторыг томоохон арилжаачид позицоо нээж эхлэх бүсүүдийг илрүүлэхэд ашиглаж болно. Хэрэв үнийн чиглэл болон индикаторын хооронд зөрүү байвал ойрын ирээдүйд ханшийн эргэлт гарах боломжтой. Энэ нь MT4 болон MT5 платформ дээрх арилжааны үндсэн индикатор юм.

Худалдан авалт нэмэгдэж байгаа нь индикатороор батлагдсан тохиолдолд хуримтлалын бүс үүсэж байгааг илтгэнэ. Индикатор буурах нь зах зээл дээр их хэмжээний зарах захиалга байгааг илтгэнэ. Худалдан авагчид хэсэг хугацаанд эсэргүүцдэг ч, үнэ market makers-ийн борлуулалтын хэмжээний дарамтаар буурдаг.

Форекс арилжаанд захиалгын блок ашиглахын давуу болон сул талууд

Захиалгын блокын арилжааны давуу талууд дараах байдалтай байж болно:

• Захиалгын блокуудын бүсүүд нь орох, гарах цэгүүдийг тодорхойлж, стоплосс байршуулхад тусалдаг. Та арилжаанд эрт орохдоо тренд хөдөлгөөний хажуугаар нэмэлт ашиг олох боломжтой
• Захиалгын блокуудыг арилжаалахдаа хүлээгдэж буй захиалгыг ашиглах нь тохиромжтой. Захиалгын блок нь тренд хөдөлгөөн эхлэж байгааг илтгэдэг. Та дараагийн 1-2 лаан дээр хүлээгдэж буй захиалгыг эхлэж буй трендийн чиглэлд тохируулж болно. Стоплосс нь бүсийн дээд цэгээс дээш эсвэл бүсийн доод цэгээс доош тогтоогддог.
• Захиалгын блок дээр суурилсан арилжааны гол стратеги нь өдрийн болон дунд хугацааны аль алинд нь ажилладаг;
• Хувьцааны арилжаанд захиалгын блок нь COT тайланг ашиглахгүйгээр хийх боломжийг олгодог. Энэ нь АНУ-ын Түүхий эдийн фьючерс арилжааны комиссоос (CFTC) нийтэлдэг тайлан юм. Эдгээр нь зах зээлийн бүх оролцогчдын гүйлгээ, түүний дотор институциональ хөрөнгө оруулагчдын гүйлгээний талаархи мэдээллийг агуулдаг.

Захиалгын блокын гол сул тал бол тэдгээрийг илрүүлэхэд бэрхшээлтэй байдагт байдаг. Ихэнх эх сурвалжид блок захиалгын жишээг зурсан диаграммд өгсөн байдаг. Зах зээлийн нөхцөл байдалд нөлөөлж буй суурь хүчин зүйлүүд нь өвөрмөц байдаг тул бодит үнийн график дээр паттерн тодорхой харагдах нь ховор байдаг.

Дүгнэлт

Захиалгын блокийн арилжааг нэгтгэн дүгнэхийн тулд энд хэд хэдэн зөвлөмжийг оруулав:

• Захиалгын блок гэдэг нь зах зээлийн томоохон оролцогчид, тухайлбал, институциональ арилжаачид өмнө нь томоохон худалдан авах эсвэл зарах захиалга өгсөн ханшийн тодорхой хэсэг юм.
• Илрүүлэх алгоритм: тренд дэх үнийн хөдөлгөөнд эргэлтийн загвар болох Engulfing үүсдэг. Өмнөх эргэлтийн лааны хэмжээний дагуу хажуу тийш тэгш өнцөгт зурна. Эргэлтийг баталгаажуулалт нь ханш хүрээрүү буцаж шинэ трендийн чиглэлд breakout хийх явдал юм;
• Форекс арилжааны стратегид захиалгын блок паттернүүд нь трендийн эргэлтийн дохиог баталгаажуулхад хэрэглэгддэг. Ханш хүрээнээс гарах мөчид позиц нь шинэ трендийн чиглэлд нээгддэг.

Захиалгын блокуудын паттерн нь техникийн шинжилгээний хэрэгсэл юм. Энэ нь арилжааны сэтгэл зүйг харгалзан үздэг мөн үндэслэлтэй байдаг, тиймээс бараг үргэлж ажилладаг. Та үүнийг хуурамч breakout болон хавтгай хөдөлгөөн эсвэл трендийг үргэлжлүүлдэг паттернүүдээс нүдээр ялгаж сурах хэрэгтэй.