Арбитраж арилжаа: Энэ нь юу болох, энэ нь хэрхэн ажилладаг талаар?

2026.02.25 2025.08.06 Арбитраж арилжаа: Энэ нь юу болох, энэ нь хэрхэн ажилладаг талаар?

Артем Шашков (Artem Shashkov)https://www.litefinance.org/mn/blog/authors/artem-shashkov/

Зах зээлийн чиг хандлагыг таахгүйгээр ханшийн зөрүүнээс ашиг олохыг хүсэж байна уу? Арбитраж арилжаа бол нэг ижил хөрөнгийн ханшийг янз бүрийн биржүүд дээр ялгаатай байгааг нь ашиглан ашиг олох стратеги юм. Энэ стратеги нь крипто зах зээл дээр илүү үр дүнтэй хэрэгждэг бөгөөд үүнд өндөр савлагаа болон хязгаарлагдмал вольюм нөлөөлдөг байна.

Энэ нийтлэлээр та арбитраж хэрхэн ажилладаг, ямар төрлүүд байдаг мөн цэвэр арбитражаас эхлээд гурвалсан арбитраж хүртэл судлах бөгөөд эрсдэлээ хэрхэн бууруулах талаар мэдэж авна. Арбитражийн ертөнцөд нэвтэрч, шинэ арилжааны боломжуудыг өнөөдрөөс судлаарай!

Гол Авч Үзэх Зүйлс

• Арбитраж гэдэг нь нэг хөрөнгийн үнэ өөр өөр зах зээл эсвэл арилжааны платформуудад ялгаатай байгааг ашиглан ашиг олох арилжааны стратеги юм.
• Энэ нь үндсэндээ тухайн хөрөнгийг нэг зах зээл дээр хямдхан авч, нөгөө зах зээл дээр өндөр үнээр зарж ашиг олохыг хэлнэ.
• Арбитражийн түгээмэл төрлүүдэд цэвэр (шууд) арбитраж, гурвалсан арбитраж, жижиглэн арбитраж, хөрвөх арбитраж болон нэгдэх үйл явцтай холбоотой арбитраж багтдаг.
• Энэхүү арга барил нь криптовалютын зах зээл дээр илүү үр дүнтэй байдаг. Учир нь энэ зах зээл өндөр хэлбэлзэлтэй, зохицуулалт сул байдаг. Гэсэн ч амжилттай хэрэгжүүлэхийн тулд хурдан арилжаа хийх чадвар болон олон бирж дээр хөрөнгө байршуулах шаардлагатай.
• Арбитражийн гол эрсдэлүүд нь шимтгэлүүд, техникийн доголдол болон биржүүд хоорондын хөрөнгийн шилжүүлгийн саатлаас үүдэлтэй байдаг.
• Амжилттай арбитраж арилжаа хийхийн тулд тусгай автомат хөтөлбөрүүд болон арилжааны боломжийг хурдан илрүүлэх зах зээлийн сканнер ашиглахыг зөвлөдөг.
• Энэхүү стратегийн давуу тал нь зах зээлийн чиг хандлагыг урьдчилан таамаглах шаардлагагүйгээр ашиг олох боломжийг олгодогт оршино.

Арбитраж гэж юу вэ?

Арбитражийн зорилго нь ижил хөрөнгийн үнийн зөрүүгээс ашиг олох явдал юм. Арилжаачин нь хөрөнгө илүү үнэтэй арилжаалагддаг платформ дээр борлуулалт хийж, тэр үед хямд үнэтэй ижил хөрөнгийг худалдаж авдаг.

Биет жижиглэн худалдаачид бол арбитражийн бодит жишээ юм. Жишээлбэл, хуучин машиныг нэг улсад хямд авч, өөр улсад илүү үнэтэй зардаг дилерүүд гэх мэт.

Арбитражийн арилжаа нь хувьцаа, валют, дериватив, криптовалютыг худалдан авах, зарах явдал юм. Хэрэв тус компанийн хувьцаа Нью-Йоркийн хөрөнгийн бирж дээр 5 ам.доллар, Лондонгийн хөрөнгийн бирж дээр 4.7 ам.доллараар арилжигдаж байгаа бол энэ нь арбитражийн арилжаанд орох сайхан боломж юм. Ашиг нь зардлаас давсан тохиолдолд гэсэн үг.

Дүрмээр бол гүйлгээний хурд нь арбитражийн арилжаанд маш чухал байдаг. Хүчирхэг компьютер, өндөр хурдны интернет, автомат арилжааны програмууд нь давуу тал болно. Гар аргаар арбитраж хийх нь криптовалют зэрэг шинэ зах зээлд ашигтай, хөрөнгийн зах зээл гэх мэт хөгжингүй, үр ашигтай зах зээлд төдийлөн ашигтай байдаггүй.

Крипто дахь арбитражийн арилжаа гэж юу вэ?

Крипто арбитражийн арилжаа нь ижил криптовалюттай боловч өөр өөр бирж дээр эсрэг талын арилжаа нээхэд суурилдаг. Тиймээс крипто арбитраж хийх үед дор хаяж хоёр крипто бирж дээр депозиттой байх шаардлагатай.

Крипто зах зээл нь маш тогтворгүй байдаг тул зөрүү нь хөрөнгийн бирж эсвэл валютын биржээс илүү чухал байж болно. Мөн энэ зах зээлийг хуулиар хатуу зохицуулдаггүй учраас хүмүүс хөрөнгө оруулалтаа тийш нь шилжүүлэх дургүй байдаг. Үүний үр дүнд хөрвөх чадвар бага байгаа нь үнийн зөрүү нь хөгжингүй зах зээлтэй харьцуулахад удаан үргэлжлэх боломжийг олгодог. Криптовалютын зах зээлийн тогтворгүй байдал, хөрвөх чадвар нь гар аргын арилжаачид ч гэсэн арбитражаар орлого олох боломжтой хэвээр байна.

Криптовалютын арбитражийн ерөнхий санаа нь нэг криптовалют хоёр өөр бирж дээр өөр үнэтэй байх тохиолдлыг олох явдал юм. Арбитражийн арилжаачид хөрөнгөө өндөр үнээр зардаг тул нийлүүлэлтийг нэмэгдүүлж, үнийг нь буулгадаг. Хоёр дахь арилжаа нь хямд үнээр хөрөнгө худалдаж авах явдал бөгөөд энэ нь эрэлт нэмэгдэж, үнэ өсөх дарамтыг хэлнэ. Тиймээс арбитражийн арилжаа хийх тусам үнийн зөрүү багасна. Тиймээс крипто арбитражийн арилжаачин ийм нөхцөл байдлыг тодорхойлж, холбогдох арилжааг хурдан хийж сурах ёстой.

Крипто арбитраж арилжааны эрсдэл

Крипто арбитражийн арилжааны гол эрсдэл бол аюулгүй байдал болон цаг хугацаа юм.

Биржийн арилжаанд оролцогчдын хувьд крипто арбитражийн арилжаачид данс болон крипто биржийг хакердахтай холбоотой залилан мэхлэх эрсдэлд өртдөг. Түүнчлэн, крипто арбитражийн арилжаачид үйлчлүүлэгчдийн мөнгийг хулгайлж компанийг ч хааж болох крипто брокерын шударга бус үйлдлийн улмаас хөрөнгөө алдах эрсдэлтэй байдаг. Криптовалютын зах зээлийг хуулиар муу зохицуулдаг тул аюулгүй байдалд анхаарлаа сайн хандуулах хэрэгтэй, жишээ нь өндөр нэр хүндтэй брокеруудыг сонгох, нэмэлт баталгаажуулалтаар дансаа хамгаалах гэх мэт.

Арбитражийн арилжааг гүйцэтгэхэд цаг хугацааны эрсдэл үүсэх боломжтой байдаг. Худалдаачид крипто арбитражийн арилжааны давуу талыг хоёр аргаар ашиглаж болно:

• Арилжааны болон өндөр хурдны харилцаа холбооны хүчирхэг тоног төхөөрөмж худалдан авах механик арга замаар;
• Автомат сканнерууд ашиглан арбитражийн боломж, арилжаа нээх тусгай программуудыг хайж олох.

Арбитражийн арилжаанд оролцох боломж гарч ирснээс хойш хэдий чинээ их хугацаа өнгөрөх тусам арилжаачид хөрөнгийг өндөр үнээр зарж, хямд үнээр худалдаж авахыг оролдох болно. Үүнээс болж үнийн зөрүү, ашгийн боломж буурна. Ашиг орлого нь зардлыг нөхөхгүй болох боломжтой тул арбитражийн арилжаа хэзээ нэгэн цагт тохиромжгүй болж магадгүй байдаг.

Мөн зардалд нь арилжаа нээх, бирж хооронд мөнгө шилжүүлэх, арилжааны данснаас мөнгө гаргах гэх мэт арбитражийн арилжааны явцад арилжаачдын төлдөг төрөл бүрийн шимтгэлүүд багтдаг.

Арбитражийн арилжааны жишээ

Крипто арбитражийн арилжааны жишээг доор харуулав:

• 1-р бирж дээрх депозит: 15,000 евро + 1 BTC.
• 2-р бирж дээрх депозит: 15,000 евро + 1 BTC.
• 1-р бирж дээрх BTC ханш = 15 000 евро.
• 2-р бирж дээрх BTC ханш = 15 100 евро.

1-р бирж дээр 1 BTC худалдан авч, 2-р бирж дээр 1 BTC-г зарсны дараа арилжаачны хадгаламж нь:

• 1-р бирж дээр 2 BTC.
• 2-р бирж дээр 30,100 евро.

Ашиг нь 100 евро байлаа харин одоо 1-р бирж дээр зөвхөн BTC, 2-р бирж дээр зөвхөн евротой үлдсэн. Тиймээс арилжаачин 2-р бирж дээр BTC-ийг зарах эсвэл 1-р бирж дээр худалдаж авах боломжгүй болно. Тиймээс ашгийг тооцохын тулд 1 BTC-ийг бирж 2 руу шилжүүлэх, жишээлбэл, төвлөрсөн бус биржийг ашиглах, 15,000 еврог 1-р биржрүү шилжүүлэх, BTC-ийг хоёр бирж дээр зарах болон худалдан авах чадварыг сэргээхэд шаардагдах зардлуудыг авч үзэх хэрэгтэй.

Арбитражийн төрлүүд

Арбитраж арилжааны хэд хэдэн төрөл байдаг:

• Сонгодог (classic) арбитраж нь хөрөнгө оруулалт, санхүүгийн маркетуудыг хэлнэ;
• Гурвалжин (triangular) арбитраж нь валютын зах зээл ба түүний үндсэн хэрэгсэл болох валютын хослолуудыг хэлнэ;
• Latency арбитраж гэдэг нь өгөгдөл дамжуулах хурдны зөрүүнээс үүдэн үүсэх хөрөнгийн үнийн ялгааг ашиглах аргыг хэлнэ.

Цэвэр (Pure) арбитраж

Цэвэр эсвэл орон зайн (spatial) арбитраж нь өөр өөр зах зээл дээр үнэ нь ижил биш бол ижил бүтээгдэхүүний зах зээл хоорондын арбитраж юм. Тухайлбал, Sony зэрэг томоохон компаниудын хувьцааг хэд хэдэн биржээр арилжаалдаг. Токиогийн хөрөнгийн бирж (TYO) дээрх Sony-ийн үнэ Нью-Йоркийн хөрөнгийн биржээс (NYSE) доогуур байвал орон зайн арбитражид орох боломж бий болно. Энэ тохиолдолд орон зайн арбитраж нь TYO дээр үнэт цаас худалдан авах, NYSE дээр ижил үнэт цаасыг нэгэн зэрэг зарах явдал юм.

Валют болон криптовалютын арилжаа хийх үед цэвэр арбитраж хийх боломжтой. Форекс зах зээл дээрх зарим арилжааны session-ны ажиллах хугацаа нь хоорондоо давхцдаг. Жишээлбэл, Европын зах зээл хаагдахаас өмнө Америкийн зах зээл нээгддэг. Үүний үр дүнд еврог Европ, Америкт өөр өөр үнээр арилжаалах боломжтой болдог.

Мөн крипто арбитражийн үед өндөр хөрвөх чадвартай, бага хөрвөх чадвартай биржүүдийн үнийн зөрүү гарах боломжтой. Жишээлбэл, өндөр хөрвөх чадвартай Binance дээр BTC худалдаж авах/зарах нь 16739.07/16739.56, бага хөрвөх чадвартай Bitfinex дээр 16740/16742 байна. Тиймээс, Binance дээр BTC-ийг 16739.56 үнээр худалдаж авах боломжтой бол Bitfinex дээр 16740-оор зарж ашиг хийж болно гэсэн үг.

Гэвч автомат процесс хөгжүүлэгдэхийн хэрээр зах зээл хоорондын үнийн зөрүү өдөр бүр багасч байгаа ба цэвэр арбитражыг ялангуяа гар аргаар хийх нь ховор болж байна.

Гурвалжин (Triangular) арбитраж

Гурвалжин арбитраж нь хосолсон арилжааны хэрэгслийг арилжаалахдаа нэгийнх нь үнийг нөгөөгийнх нь үнээр илэрхийлдэг. Жишээлбэл, EURUSD, GBPUSD валютын хослол, эсвэл BTCUSD, ETHUSD криптовалютууд гэх мэт.

Энэ төрлийн арбитражийн арилжааны зорилго нь хосолсон гурван арилжааны хэрэгслийн үнийн зөрүүг олох явдал юм. Жишээлбэл, BTCUSD = 16716, ETHUSD = 1216. Эдгээр өгөгдөл дээр үндэслэн BTCETH ханш 16716/1216 = 13.75 байх ёстой.

Бодит BTCETH үнэ = 13.8 буюу өөрөөр хэлбэл 13.75-ийн тооцоолсон үнээс илүү байна гэж бодъё. Гурвалжин арбитражаар ашиг олохын тулд та гурван гүйлгээ хийх хэрэгтэй:

• 16716 ам.доллараар BTCUSD худалдаж авна. Жишээлбэл, бид 10 багцыг 167160 ам.доллараар гэх мэт;
• 13.8 ETH дээр зарна. ETH-ийн 10 багц нь 138 байх болно.

Эдгээр гүйлгээний үр дүнд дансанд 138 ETH, 167160 ам.долларын өр бий болно. Тиймээс гурав дахь арилжаагаар ETH-ээс салж, ам.долларын өрийг хаана. Ингэснээр:

• ETHUSD-ийг 1216 ам.доллараар зарж, 138 ETH-ийг 167808 ам.доллараар (138 x 1216) зарна.

Өр 167160 байсан ба гурав дахь арилжааны ашиг нь 167808 ам.доллар болсон. Тиймээс гурвалжин арбитражийн ашиг 167808 - 167160 = 648 ам.доллар байсан гэж үзнэ.

Хэрэв энэ жишээнд BTC/ETH-ийн бодит үнэ тооцоолсон үнээс доогуур буюу 13.7 (тооцоолсон 13.75) байвал гурвалжин арбитраж дахь гүйлгээний чиглэл дараах байдалтай байна:

• BTCUSD-ийг 16716 доллараар зарах;
• 13,7 ETH дээр BTCETH худалдаж авах;
• 1216 доллар дээр ETHUSD худалдаж авах.

Latency Арбитраж

Latency арбитраж буюу өндөр давтамжтай арбитраж нь арилжааны платформуудын хооронд үнийн шинэчлэл удаашрах үед үүсэх богино хугацааны зөрүүг ашигладаг стратеги юм. Арилжаачид маш өндөр хурдтай алгоритм болон тусгай програм хангамж ашиглан бусад зах зээлийн оролцогчдоос хэдхэн миллисекундийн өмнө hgyinay зөрүүг олж тогтооy, тэр даруй арилжаа хийж ашиг олдог. Ийм төрлийн арбитраж нь маш хурдан гүйцэтгэл, өндөр хурдны сүлжээний холболт, дэвшилтэт технологи болон дэд бүтцэд их хэмжээний хөрөнгө оруулалт шаарддаг өндөр түвшний стратеги юм.

Арбитражийн давуу болон сул талууд

Амжилттай арбитражийн арилжаа хийх гол шалгуур бол өндөр хурд юм. Арилжаачид арбитражийн хэрэгслийг хурдан олж, арилжаанд хурдан орох тусам ашгийн боломж нэмэгдэнэ. Энэ шалтгааны улмаас арбитражийн арилжаа нь гар аргын худалдаачдад тохиромжгүй болж байгаа, учир нь тэд програмын хурдыг гүйцэхгүй болж байна.

Арбитражийн давуу талууд

Хоёрдмол утгатай зүйл байхгүй

Үнийн график дээр зарим хүмүүс “head” ба “shoulders” гэж үзэж байхад зарим нь хэвтээ түвшин гэж хардаг хардаг стандарт арилжааны аргатай харьцуулахад арбитражийн арилжааны хайлтын объект нь зөвхөн үнийн зөрүү байдаг.

одорхой бус байдал бага

Сонгодог арилжаанд хувь хүний ​​арилжааны хувьд эерэг ба сөрөг үр дагавар гарах боломжтой байдаг. Үр дүнг урьдчилан тооцоолох боломжгүй. Арбитражийн арилжаанд арилжааны амжилт нь зөвхөн дүгнэлтийн хурдаас хамаарна.

Арбитражийн сул талууд

Зардал

Ашигтай арбитражийн арилжаа хийхийн тулд арилжаачид арилжаагаа автоматжуулах сайн програм хангамжид мөнгө зарцуулах эсвэл гар аргаар арилжаа хийх боломжийг хайх ёстой. Сонгодог арилжаатай харьцуулахад арбитраж дээр сэрүүлэг тавьж, зөв ​​нөхцөл байдал, хэлцэл байгуулагдахыг хүлээх нь боломжгүй зүйл юм, учир нь та яаралтай арга хэмжээ авах хэрэгтэй болдог.

Гүйцэтгэлийн эрсдэл

Аль ч төрлийн ашиг багатай ч volume ихтэй богино хугацааны арилжааны нэгэн адил арбитраж арилжаа хийх үед үнэ гулсах, ханшаа алдах, интернет холболт алдагдах тохиолдол гардаг. Нөхцөл байдлын бага зэрэг хяналтгүй өөрчлөлт нь арилжаачинг сөрөг үр дагаварт хүргэж болзошгүй юм.

Арбитраж арилжааны стратегиуд

Арбитражийн арилжаа хийхэд өндөр хурд шаарддаггүй хэд хэдэн арбитражийн стратегийг авч үзье. Эдгээр нь эрсдэлийн арбитраж, тогтмол орлогын арбитраж, хамрагдсан хүүгийн арбитраж зэрэг юм.

Эдгээрийг сонгодог арилжааны өдрийн болон дунд хугацааны стратегийн аналог гэж нэрлэж болно, учир нь арилжааг нээлттэй байлгах хугацаа хэд хоногоос хэдэн сар хүртэл байж болно.

Эрсдэлийн арбитражийн (Risk Arbitrage) стратеги

Эрсдлийн арбитражийн стратеги нь нэг компани нөгөө компанийн хувьцааг одоогийн зах зээлийн үнээс өндөр үнээр эргүүлэн худалдаж авахаар төлөвлөж байгаа тохиолдолд нэгдэх арбитраж дээр суурилдаг. Энэхүү стратеги нь гүйлгээ хийх төлөвтэй байгаа компанийн хувьцааг худалдаж авахаас бүрдэнэ. Гүйлгээнд заасан үнэ болон одоогийн зах зээлийн үнийн зөрүү их байх тусам арбитражийн арилжаачин илүү их ашиг олох болно. Гэсэн хэдий ч энэхүү стратеги нь арилжаа цуцлагдах эрсдэлтэй бөгөөд үүний үр дүнд арбитражийн арилжаачин төлөвлөсөн ашгаа авахгүй байх магадлалтай.

Жишээ нь одоогийн байдлаар тус компанийн худалдаж авах хувьцааг нэг ширхэгийг нь 50 ам.доллараар арилжаалж байна гэж үзье. Хэрэв арилжааны хувьд 52.5 долларын үнийг зааж өгсөн бол эрсдэлтэй арбитражийн ажиллагаанд ийм үнэт цаас тохирно. Нэг арилжаачин 500 доллароор одоогийн үнэ бүхий 10 үнэт цаасны long арилжаа нээлээ гэж бодъё. Нэгдэх өдрөөс өмнө хувьцааны үнэ өсөх эсвэл доошоо хэлбэлзэж болно. Арилжаачид эдгээр хэлбэлзлийг харгалзан нээлттэй арилжаа эзэмших хангалттай хөрөнгөтэй байж ийм хэмжээний хэлцэл хийх ёстой. Хэрэв гүйлгээ хийгдвэл арилжаачин 52.5 доллараар арилжаанаас гарч, 10 ширхэг хувьцааны хувьд 525 доллар авна. Хэрэв гүйлгээ хийгдээгүй бол арилжаачин зах зээлийн нөхцөл байдалд үндэслэн арилжаагаа хаах ёстой болдог.

Тиймээс эрсдэлийн арбитражийн стратегид зөвхөн авах ашгийн түвшин, өөрөөр хэлбэл гүйлгээнд заасан үнийг л мэддэг байх хэрэгтэй.

Fixed Income Arbitrage Тогтсон Орлогын (Fixed Income) Арбитраж

Тогтмол орлогын арбитраж нь хувьцаа, бонд гэх мэт янз бүрийн төрлийн үнэт цаасны хүүгийн зөрүү дээр суурилдаг.

Өмнөх стратегиас ялгаатай нь тогтмол орлогын арбитражийн таамаглал нь тодорхой мэдээлэлд тулгуурладаггүй, харин арилжаачдын таамаглал дээр тулгуурладаг. Арбитражийн стандарт схемийн дагуу арилжаа нээгддэг бөгөөд энэ нь илүү үнэтэй үнэт цаасыг зарж харин ашиг олохын тулд хямд үнээр худалдаж авдаг гэсэн үг юм.

1-р бондын өгөөж 4%, 2-р бондын өгөөж 3.5% байна гэж бодъё. Мөн үнэт цаас гаргагчид нэг салбарт үйл ажиллагаа явуулдаг, ижил төстэй ложистиктэй мөн ойролцоогоор ижил ашиг орлоготой байдаг. Тиймээс арбитражийн арилжаачид хоёр үнэт цаасны ирээдүйн бодит өгөөж ижил байх болно гэж үзэж болно. Дараа нь тэд Бонд 2-ын long арилжаа (3.5% -ийн өгөөжтэй) болон Бонд 1-ийн short арилжаа (4% -ийн өгөөжтэй) хийнэ. Хэрэв бондын үнэ тохирч байвал арилжаачид 4 - 3,5 = 0,5% ашиг олох болно.

Ашигт ажиллагааны индикаторуудыг ямар нэг хэмжээгээр конвергенц болгосон тохиолдолд арилжаачид бага ч гэсэн ашиг олсон байх болно. Хэрэв ашигт ажиллагааны утгуудын хоорондын зөрүү эсрэгээрээ өсвөл арбитражийн арилжаачид алдагдал хүлээх болно.

Хамгаалагдсан хүүгийн (Covered Interest) арбитраж

Энэхүү стратеги нь хоёр улсын зээлийн хүүгийн зөрүү дээр тулгуурладаг. 1-р улсад жилийн хувь 5%, 2-р улсад 15% байна гэж бодъё. 2-р улсад хадгаламжийн жилийн хүү ойролцоогоор 10% байх магадлалтай.

Тиймээс арбитражийн арилжаачин үндэсний мөнгөн тэмдэгтээр 5% -ийн хүүтэй зээл авч, дараа нь 2-р улсын валютыг худалдан авч, энэ дүнг 10% -иар байршуулах боломжтой. Хадгаламжийн хугацаа дуусахад арилжаачин мөнгөө авч, үндэсний мөнгөн тэмдэгт рүү шилжүүлж, зээлээ төлдөг.

Хадгаламжаас мөнгө авах үеийн ханш хэвээр байвал худалдаачин 10% - 5% = 5% олох болно. Валютын ханшийн болзошгүй өөрчлөлт нь валютын эрсдэл байдал болдог. Жишээлбэл, 2-р улсын мөнгөн тэмдэгт жилийн туршид 1-р улсын мөнгөн тэмдэгттэй харьцуулахад 5% -иар унавал ашиг нь тэг болно гэсэн үг.

Энэхүү валютын эрсдлийг форвард хэлцлэл ашиглан боломжит ашгийн хэмжээгээр хамгаалдаг. Хадгаламжын 5%-ийн жилийн гэрээг дээрх жишээ болгон ашиглаж байна. Арбитражийн арилжааны орлогоос форвард хэлцлийн зардлыг хассан орлого нь арилжаачин хүний цэвэр ашиг байдаг.

Хөрөнгийн зах зээл дэх арбитражийн боломжууд юу вэ?

Хөрөнгийн зах зээлийн хөгжлийн өнөөгийн шатанд таван төрлийн арбитражийг ашиглаж байна:

1. Бирж хоорондын (цэвэр) арбитражийн ажиллагааны явцад янз бүрийн биржүүд дээрх ижил хөрөнгийн үнийн зөрүүг хянадаг. Тэдний онцлог шинж чанаруудыг дээр дурдсан. Ашигт ажиллагааг тооцоолохын тулд хөрөнгийг өөр өөр бирж дээр өөр өөр валютаар арилжих боломжтой бөгөөд энэ нь хөрвүүлэх зардалтай холбоотой гэдгийг санаарай. Хоёр дахь зардлын зүйл нь хадгаламжийн байгууллагуудын хооронд үнэт цаас шилжүүлэх явдал юм.
2. Салбар доторх арбитражийн явцад өндөр хамааралтай янз бүрийн хөрөнгийн үнийн зөрүүг хянадаг. Тухайлбал, нэг салбарын компаниудын хувьцаа. Энэхүү арбитражийн төрөл нь тухайн салбарын өнөөгийн байдлын дагуу хувьцаанууд нэг чиглэлд шилжих болно гэсэн таамаглал дээр суурилдаг.
3. Эквивалент арбитражийн ажиллагааны явцад суурь хөрөнгө болон түүний дериватив хоорондын үнийн зөрүүг хянадаг. Жишээлбэл, хувьцаа болон түүний future-н хооронд гэсэн үг. Энэ төрлийн арбитраж нь futures-н үнэ суурь хөрөнгийн үнэд ойртох тусам, хүчинтэй байх хугацаа дуусах нь ойртож, тухайн өдөр түүнтэй тэнцүү болдогт суурилдаг.
4. Календарийн арбитражийн үед нэг хөрөнгийн өөр өөр хугацаатай futures-н үнийн зөрүүг хянадаг. Хүчтэй зөрүүтэй бол илүү үнэтэй гэрээг зарж, конвергенц дээр үндэслэн хямд гэрээг худалдаж авдаг. Хэрэв spread нь нарийхан байвал эсрэгээр нь илүү үнэтэй гэрээг худалдан авч, үнийн зөрүүг үндэслэн хямдыг зардаг.
5. Статистикийн арбитраж нь үнийг дундаж утга руу буцаах зарчим дээр суурилдаг. Хэт их худалдаж авсан хувьцааны хувьд short арилжаа нээгдэж, дутуу үнэлэгдсэн хувьцааны хувьд long арилжаа нээгддэг.

Арбитраж арилжааг хэрхэн хийх вэ

Арбитражийн арилжаанд амжилттай оролцохын тулд дараах зөвлөмжүүдийг дагаж мөрдөөрэй:

1. Гараар эсвэл автоматаар хийх гүйлгээний төрлийг шийдэх.
2. Гүйлгээний төрөл, шимтгэлийн тоог харгалзан зах зээлээ сонгох. Автомат арилжааны хувьд техник хангамж ба/эсвэл програм хангамжийн зардлыг харгалзан үзэх.
3. Арилжааныхаа боломжит ашгийг түүний нийт өртөгтэй харьцуулах.
4. Арилжаатай холбоотой эрсдэлийг тодорхойлох. Боломжтой бол тэдгээрийг багасгахыг хичээх.
5. Бодит ашгийг төлөвлөсөн орлоготой харьцуулахын тулд демо дансаар хэд хэдэн арилжаа хийх.
6. Эерэг үр дүн гарсан тохиолдолд үр дүнд үзүүлэх spread болон сэтгэл зүйн нөлөөллийг үнэлэхийн тулд хамгийн бага volume-тай бодит дансанд арилжаа хийх.
7. Хэрэв үр дүн нь хангалттай бол бодит дансны стандарт volume-рүү шилжих.

Дүгнэлт

Арбитражийн арилжааны гол бэрхшээл бол тоног төхөөрөмжид хөрөнгө оруулалт хийх, ур чадвартаа хөрөнгө оруулах хоёрын хооронд сонголт хийх явдал юм. Автомат арилжаа нь ашгийн түвшинд хүрэхийн тулд илүү их хэмжээний депозит эсвэл илүү олон арилжаа хийхийг шаарддаг. Хурд шаарддаггүй гар аргын арбитражийн төрлүүдийн үед хадгаламж нь стандарт арилжаатай тохирч байх хэрэгтэй.

Арбитраж нь аливаа арилжааны нэгэн адил авч үзэх ёстой эрсдэлүүдтэй байдаг.

Криптовалютын зах зээл нь хоёр төрлийн арбитражийн хувьд хамгийн ирээдүйтэй нь юм. Энэ нь хөгжөөгүй хэвээр байгаа бөгөөд автомат болон гар аргын арбитражийн өрсөлдөөн нь хөрөнгийн болон гадаад валютын хөгжингүй зах зээлээс доогуур байдаг гэсэн үг юм.