Futures နှင့် Forwards Contracts

Forward Contract

Futures Contract

ရည်ရွယ်ချက်

Forward စာချုပ်သည် ဆုံးရှုံးမှုကိုကန့်သတ်လိုသော ကုန်သည်များ သဘောကျ ကြသော အထောက်အကူ ကိရိယာတခုဖြစ်သည်။ အဆိုပါ ကုန်သည်များသည် အခြေခံ ကုန်သွယ်ရေးပစ္စည်းအပေါ်တွင် စျေးကွက်အတက်၊အကျများ၏ လွှမ်းမိုးမှုအား လျှော့ချရန် အတွက် ဤ derivatives များကို အသုံးပြုကြသည်။ စာချုပ်ပါ သတ်မှတ်ချက် များသည် စာချုပ်သက်တမ်း ပြည့်သော အချိန်ထိ ပြောင်းလဲခြင်း မရှိသောကြောင့် စျေးကွက် မတည်ငြိမ်မှုမှ အကာအကွယ် ရရှိနိုင်ပြီး၊ ကြမ်းတမ်းသော စျေးနှုန်း အတက်၊ အကျများတွင် ဆုံးရှုံးရခြင်းမှ လွတ်မြောက် နိုင်သည်။

Forwards များနှင့် ကွဲလွဲစွာဖြင့် futures စာချုပ်များအား စွန့်စားမှုမြင့်မားသော၊ စျေးနှုန်း ခန့်မှန်းခြင်း ရင်းနှီးမြှုပ်နှံမှုအဖြစ် ကျယ်ပြန့်စွာ အသိအမှတ်ပြုထားကြသည်။ အခြေခံပိုင်ဆိုင်မှု တခုချင်း၏ စျေးနှုန်း အတက်အကျကို ခန့်မှန်းရန်မှာ မဖြစ်နိုင် သလောက်ပင် ဖြစ်သည်။ ထိုမသေချာမှု ကြောင့် အကယ်၍ ရင်းနှီးမြှုပ်နှံသူ တဦး၏ စျေးနှုန်း ရွေ့လျားမှုအပေါ် ခန့်မှန်းချက်သည် မခိုင်မာပါက၊ ငွေပမာဏများစွာ ဆုံးရှုံးရနိုင်သော အလားအလာကို ဖြစ်ပေါ်စေပါသည်။

ငွေပေးသွင်းမှု နည်းလမ်း

Forward စာချုပ်များသည် စိတ်ကြိုက်ရေးဆွဲနိုင်သော သီးသန့် သဘောတူညီချက်များ ဖြစ်သည်။ သတ်မှတ်ချက်များ အား စာချူပ်ချုပ်ဆိုသော နှစ်ဖက်အဖွဲ့အချင်းချင်း တိုက်ရိုက်ညှိနှိုင်းကြရသည်။ Forward အား အိတ်ချိန်းများ တွင် မရရှိနိုင်ပါ။ OTC (over-the-counter) စျေးကွက်များတွင် သီးသန့် ရောင်းဝယ်ကြသည်။

Futures သည် စံသတ်မှတ်ထားသော စည်းကမ်းများဖြင့် ဖွဲ့စည်းထားသော စံပြစာချုပ်များ ဖြစ်ကြသည်။ မည်သည့် သီးသန့် ညှိနှိုင်းမှုများ သို့မဟုတ် ပြင်ဆင်မှုများကိုမှ ပြုလုပ်၍ မရနိုင်ပါ။ ထို့ကြောင့်ပင် ဤစာချုပ်များ၏ တန်ဖိုးအား နှုန်းထားသတ်မှတ်နိုင်ပြီး ၎င်းတို့အား futures အိတ်ချိန်းများတွင် ကုန်သွယ်၍ ရနိုင်ပါသည်။

ဥပဒေလွှမ်းမိုးမှု

Forward စာချုပ်တခုသည် သီးသန့်ပြုလုပ်သော သဘောတူညီမှုဖြစ်သည်။ အစိုးရနှင့် ဘဏ္ဍာရေး အဖွဲ့အစည်းများသည် ဤ derivatives အမျိုးအစား အပေါ်တွင် လွှမ်းမိုးမှုမရှိပါ။

Future စာချူပ်သည် လူသိရှင်ကြား ထုတ်ပြန်သော သဘောတူညီမှုဖြစ်သည်။ Futures အိတ်ချိန်းအများစုမှာ အမေရိကန်ပြည်ထောင်စုတွင် တည်ရှိသည်။ ထို့ကြောင့် ၎င်းတို့အပေါ်တွင် U.S ဥပဒေများ သက်ရောက်မှုရှိပြီး၊ CFTC (the Commodity Futures Tradind Commission) ကဲ့သို့သော အစိုးရအဖွဲ့အစည်းများမှ ထိန်းချုပ်ထား သည်။ CFTC သည် futures အိတ်ချိန်းများကို စီမံအုပ်ချုပ်ရန် ဖွဲ့စည်းထားသော အဖွဲ့အစည်း ဖြစ်သည်။

အန္တရာယ်များ

Forwards စာချုပ်များသည် တဖက်သတ်နစ်နာနိုင်သော အန္တရာယ်နှင့် ယှဥ်တွဲ၍ နေသည်။ တဖက်မှ ပြန်ကြည့်လျှင် စာချုပ်တွင် ငွေပေးချေရမည့်ရက်စွဲအား တင်းကြပ်စွာ သတ်မှတ်ထား သောကြောင့် ရင်းနှီးမြှုပ်နှံသူ များသည် စျေးနှုန်း အပြောင်းအလဲအပေါ် စိတ်ချထားနိုင်သည်။ အဓိက အားနည်းချက်မှာ ငွေပေးချေမှု လုပ်ငန်းစဥ် အစမပြုမချင်း အမြတ်ရရှိသည်၊ ဆုံးရှုံးသည်ကို မသိရှိနိုင်ခြင်းပင်ဖြစ်သည်။ ထို့ကြောင့် ကုန်သွယ်သူ များသည် မမျှော်လင့်ပဲ အရှုံးကို လက်ခံကြရလေ့ရှိသည်။

Futures တွင် အခြေခံပိုင်ဆိုင်မှု၏တန်ဖိုးအတိုင်း နေ့စဥ်ငွေစာရင်း ရှင်းလင်းပေးပြီး၊ စျေးကွက် စျေးနှုန်းများနှင့် တင်းကြပ်စွာ ချိတ်ဆက် ထားသောကြောင့် တဖက်သတ်နစ်နာမှု အန္တရာယ်များကို စိုးရိမ်ရန် မလိုအပ်ပေ။ ထိုအချက်သည် ရင်းနှီးမြှုပ်နှံသူများအား ဆွဲဆောင်နိုင်သော အချက်ဖြစ်ပါသည်။ ပို၍အရေးကြီးသည်မှာ futures များအား သက်ဆိုင်ရာ အိတ်ချိန်း၏ တာဝန်ခံဌာန သို့မဟုတ် အကျိုးဆောင်ကုမ္ပဏီမှ အထောက်အပံ့ ပေးထားပါသည်။ ရောင်းလိုသည်ဖြစ်စေ၊ ဝယ်လိုသည်ဖြစ်စေ အိတ်ချိန်းမှ လက်ခံ ဆောင်ရွက်ပေးပါသည်။ ဤအချက်နှင့် futures များကို စျေးကွက်အတွင်း နေ့စဥ်စျေးနှုန်း သတ်မှတ်​ပေးသော အချက်တို့သည် တဖက်သတ်နစ်နာမှု အန္တရာယ်အားလုံးကို သိသိသာသာလျှော့ချပေးပါသည်။ future အိတ်ချိန်းတွင်ကုန်သွယ်မှု စတင်ရန် ရင်းနှီးမြှုပ်နှံသူတွင် မာဂျင်အကောင့်တခုရှိရန် လိုအပ်ပါသည်။ ထိုအကောင့်ဖြင့် ကနဦး ငွေပေးချေမှုပြုလုပ်ရမည်ဖြစ်ပြီး၊ ထိုငွေကို မာဂျင်စပေါ်ငွေဟုလည်းခေါ်သည်။ နေ့တနေ့ ပြီးဆုံးတိုင်းတွင် အိတ်ချိန်းပိတ်ချိန်ရှိ စျေးကွက်ပေါက်စျေးအပေါ်မူတည်၍ နှစ်ဦးနှစ်ဖက် ပေးချေရမည့် ဝတ္တရားအား ပြန်လည် တွက်ချက် ပေးသည်။ နောက်ဆုံးတွင် အဖွင့်စျေးနှင့် အပိတ်စျေးကွာခြားချက်အား ရင်းနှီးမြှုပ်နှံသူ၏ အကောင့်ထဲသို့ ပေါင်းထည့်ပေးသည် သို့မဟုတ် အကောင့်ထဲမှနှုတ်ယူသည်။

အဆိုပါ မာဂျင်ဖြင့်ကုန်သွယ်မှုစနစ်တွင် သေးငယ်သော ကနဦးမာဂျင်ပမာဏ၊ နေ့စဥ်စျေးနှုန်းပြန်လည်တွက်ချက်ခြင်းနှင့် စျေးနှုန်းခြားနားချက်အတိုင်း ပေးချေခြင်းစသော ထူးခြားကောင်းမွန်သည့် အချက်များရှိသည်။ ဤအချက်များသည် စျေးနှုန်းခန့်မှန်း ကုန်သွယ်သူများအကြား futures များကို လူကြိုက်များစေသော အချက်များဖြစ်ကြသည်။ မည်သို့ပင်ဖြစ်စေကာမူ ၎င်းထူးခြားချက် များသည်ပင် futures ကုန်သွယ်ရေးအား ရင်းနှီးမြှုပ်နှံမှုစျေးကွက်အတွင်း စွန့်စားမှုအမြင့်ဆုံး ကုန်သွယ်ရေးစနစ်များတွင် ပါဝင်စေသော အကြောင်းတရားများ ဖြစ်၍နေပါသည်။

သက်တမ်းကုန်ဆုံးရက်

Forward တခု၏ သက်တမ်း ကုန်ဆုံးရက်သည် နှစ်ဖက် အဖွဲ့၏ လိုအပ်ချက်များ အပေါ်မူတည်၍ နှစ်ဦး သဘောတူသတ်မှတ်ထားသော ငွေအလွှဲအပြောင်း ပြုလုပ်ရမည့် ရက်စွဲဖြစ်သည်။

Future တခု၏ သက်တမ်းကုန်ဆုံးရက်အား စံနှုန်းများနှင့်အညီ သတ်မှတ်ထားသည်။

အချိန်စေ့သောရက်စွဲ

Forward များတွင် အချိန်စေ့သောရက်စွဲသည် အခြေခံပိုင်ဆိုင်မှုအား လက်ရောက်လွှဲပြောင်းပေးရသည့်နေ့ဖြစ်သည်။ (ဥပမာ ရေနံ၊ ပြောင်း အစရှိသော ကုန်စည်များ)

Futures များမှာ စံပြစာချုပ်များဖြစ်ပြီး အချိန်စေ့သော ရက်စွဲများ ကြိုတင် သတ်မှတ်ထားသော်လည်း အခြေခံပိုင်ဆိုင်မှုအား လက်တွေ့လွှဲပြောင်းပေးခြင်းမျိုး မရှိပါ။

စာချုပ်ပမာဏ

စာချုပ်ပမာဏသည် ငွေအလွှဲအပြောင်းပမာဏနှင့် နှစ်ဖက်အဖွဲ့မှ သဘော တူညီထားသော လိုအပ်ချက် များအပေါ် မူတည်သည်။

Future စာချုပ်တခုတွင် စံသတ်မှတ်ထားသော အရွယ်အစားရှိသည်။

စျေးကွက်

Forward များအား ကုမ္ပဏီ တိုက်ရိုက်စျေးကွက် တွင် အများဆုံးကုန်သွယ်ကြသည်။ ၎င်းတို့၏ နှစ်ဦးချင်းသာ သက်ဆိုင်သော သဘာဝကြောင့် forward စာချုပ်များအား ရောင်းသူ၊ဝယ်သူများ၏ လိုအပ်ချက်များအတိုင်း အံဝင်ဂွင်ကျဖြစ်စေရန် ရေးဆွဲထားလေ့ရှိကြသည်။ ဆိုလိုသည်မှာ ၎င်းတို့အား ရောင်းချလိုပါက ယခင် ရှိပြီးသား စာချုပ်အား ဆက်ခံလိုက်ခြင်းဖြင့် ပြေလည်သွားနိုင်မည့် တူညီသောလိုအပ်ချက်ရှိနေသော ဝယ်လက်အား ရှာဖွေရန်မှာ စိန်ခေါ်မှုတရပ် ဖြစ်လာနိုင်ပါသည်။

Futures စာချုပ်များအား ကုမ္ပဏီတိုက်ရိုက်စျေးကွက်နှင့် ကုန်သည်ချင်း ရောင်းဝယ်နိုင်သည့်စျေးကွက် နှစ်မျိုးစလုံးတွင် ကုန်သွယ်နိုင်သည်။ Futures များ၏ စံသတ်မှတ်ချက်သဘာဝအရ ၎င်းတို့အား ကုန်သည် ချင်း ရောင်းဝယ်နိုင်သည့်စျေးကွက်များတွင် ကုန်သွယ်ရန် ပို၍သင့်တော်သည်။ အဘယ်ကြောင့်ဆိုသော် ဝယ်ယူလိုသူများသည် စာချုပ်တခုချင်းစီ၏ သတ်မှတ်ချက်များအား ဆန်းစစ်နေစရာမလိုပဲ ကမ်းလှမ်းချက်များစွာအနက် မိမိနှစ်သက်ရာတခုကို ရိုးရှင်းစွာပင် ရွေးချယ်နိုင်သည်။ ထို့ကြောင့် futures များတွင်ပါဝင်သော ဝတ္တရားများအား တဦးမှ နောက်တဦးထံအလွယ်တကူပင် လွှဲပြောင်းပေးနိုင်သည်။

ငွေပေးချေမှု

forward စာချုပ်များတွင် ငွေပေးချေမှုအား အခြေခံ ပိုင်ဆိုင်မှု အလွှဲအပြောင်း ပြုလုပ်ချိန်အတွင်း၌သာ အမြဲ ဆောင်ရွက်ကြရသည်။ ထို့အပြင် နှစ်ဖက်သော အဖွဲ့ဝင်များသည် ငွေပေးချေမှု ဆောင်ရွက်သည့်အချိန်မှသာ အရှုံး၊ အမြတ်ကို သေချာစွာ သိရှိနိုင်သည်။

Futures စာချုပ်များ၏ ငွေပေးချေမှုအား တိကျသောရက်စွဲဖြင့် ပုံသေ သတ်မှတ်ထားခြင်းမရှိပါ။ Forward များနှင့် မတူသောအချက်မှာ၊ ဤ derivative အမျိုးအစားတွင် ငွေပေးချေမှုအား နေ့စဥ်ပြုလုပ်ရသည်(အချိန်စေ့သောရက်စွဲတခုတည်းတွင်သာ ပေးချေရခြင်းမျိုး မဟုတ်ပါ)။ ထို့ကြောင့်ပင် futures များအား အချိန်မရွေး ဝယ်ယူ၊ ရောင်းချနိုင်သည်။

သဘော သဘာဝ

စိတ်ကြိုက်ဖန်တီးနိုင်သော သဘာဝရှိသည်။ Forward ၏ ထူးခြားချက်များမှာ ညှိနှိုင်း၍ရခြင်း၊ စျေးနှုန်း သတ်မှတ်နိုင်ခြင်းနှင့် နှစ်ဦးနှစ်ဖက်ကြား တိုက်ရိုက်ပြုလုပ်ရခြင်း တို့ဖြစ်သည်။ စာချုပ်ပြုလုပ်သူ နှစ်ဦးနှစ်ဖက် သဘောတူညီမှု ပြဌာန်းရာတွင် အပိုဆောင်းသတ်မှတ်ချက်များ၊ အသေးစိတ်ဖြည့်စွက်ချက်များ စသဖြင့် ပါဝင်နိုင်ခြင်းကြောင့် စိတ်ကြိုက်ဖန်တီးနိုင်ခြင်းသည်လည်း forward များ၏ အားသာချက်တခုပင်ဖြစ်သည်။ သို့ရာတွင် ထိုကဲ့သို့ စိတ်ကြိုက်ပြင်ဆင်နိုင်ခြင်းကြောင့်ပင် forward များကို ဝယ်ယူရောင်းချရာတွင် အခြား derivatives များထက် ပို၍ ခက်ခဲလေ့ရှိပါသည်။

စံသတ်မှတ်ထားသော သဘာဝရှိသည်။ မည်သည့် future စာချုပ်အမျိုးအစားဖြစ်စေ လွှဲပြောင်းရမည့်ရက်စွဲ၊ စာချုပ်အရွယ်အစား၊ နည်းပညာပိုင်းဆိုင်ရာ အင်္ဂါရပ်များ နှင့် ငွေအလွှဲအပြောင်းလုပ်ငန်းစဥ်များအတွက် တူညီသော စံနှုန်းများသတ်မှတ်ထားသည်။

ကုန်သွယ်မှု

Forwards များသည် ဝယ်သူနှင့် ရောင်းသူကြား သီးသန့်ညှိနှိုင်း၍ ချုပ်ဆိုကြသော စာချုပ်များ ဖြစ်သည်။ ဤစာချုပ်အ မျိုးအစားအား OTC စျေးကွက် များတွင် တိုက်ရိုက် ကုန်သွယ် ကြသည်။ ထို့ကြောင့် forward derivative များအား လူသိရှင်ကြား ထုတ်ပြန် ထားခြင်းမျိုး မရှိသလို အိတ်ချိန်းများပေါ်တွင် ကုန်သွယ်၍ မရပါ။ ပုံမှန်အားဖြင့် နေ့စဥ် ကုန်သွယ်ကြသူများအတွက် အလွယ်တကူ မရရှိနိုင်သော အမျိုးအစားဖြစ်သည်။

Future စာချုပ်များအား ပုံမှန်အားဖြင့် futures အိတ်ချိန်းများပေါ်တွင် လူသိရှင်ကြား အရောင်းအဝယ်ပြုလုပ်ကြသည်။ ၎င်းသည် စံသတ်မှတ်ထားသော စာချုပ်ဖြစ်သည့်အလျောက် အကျိုးဆောင်ကုမ္ပဏီများမှတဆင့် ကုန်သွယ်မှုပြုလုပ်နိုင်သည်။ Futures ကုန်သွယ်ရေးသည် ပုံမှန်စတော့ကုန်သွယ်ရေးနှင့် တူညီသော အချက်များစွာရှိသည်။ နှစ်မျိုစလုံးသည် အကျိုးဆောင်ကုမ္ပဏီများမှ တဆင့်အရောင်းအဝယ်ပြုလုပ်နိုင်ပြီး၊ အကျိုးဆောင်ကုမ္ပဏီများကပင် ကုန်သွယ်မှုကို လက်ခံဆောင်ရွက်ပေးသည်။

ငွေဖြစ်လွယ်မှု

Forward စျေးကွက်သည် ငွေဖြစ်လွယ်မှု နည်းပါးသည်။ ငွေဖြစ်လွယ်မှုနည်းပါးခြင်း ကြောင့် ဤအမျိုးအစားကို ရွေးချယ်သော ရင်းနှီးမြှုပ်နှံသူ များအတွက် စာချုပ်တွင် အချိန်မရွေးပါဝင်ရန်၊ သို့မဟုတ် စာချုပ်မှ ထွက်ခွာရန်( စာချုပ်အား လက်လွှဲ ရောင်းချရန်) ခက်ခဲမှုများ ရှိနိုင်ပါသည်။

Future စျေးကွက်သည် forward များနှင့် နှိုင်းယှဥ်ပါက ငွေဖြစ်မှုမြင့်မားပါသည်။ စံသတ်မှတ်ချက်များသည် ဤစျေးကွက်၏ ငွေဖြစ်လွယ်မှု အနေအထားအား မြင့်မားစေသည်။

မာဂျင်

Forward တွင် ကနီးဦး ငွေပေးချေမှု တစုံတရာ မလိုအပ်ပါ။ ထို့ကြောင့် မာဂျင်စနစ်သုံးစွဲမှု မရှိပါ။

Futures များတွင်မူ တည်ငြိမ်သော မာဂျင်စနစ်ပါဝင်ပြီး ထိုစနစ်အတိုင်းသာ မဖြစ်မနေဆောင်ရွက်ရသည်။ အတိုးနှုန်းပါဝင်သော futures များပင်လျှင် ကနဦး ငွေပေးချေမှုပြုလုပ်ရန် လိုအပ်ပါသည်။ Futures များအား စျေးကွက်အတွင်း နေ့စဥ်စျေးနှုန်းဖော်ပြပေးခြင်းကြောင့် အရှုံး၊ အမြတ်ကို အလွယ်တကူပင် ခန့်မှန်း၍ရနိုင်ပါသည်။ ထိုကြောင့် တာဝန်ရှိသူများက ကနဦးမာဂျင်ပမာဏအတွင်းသို့ အမြတ်ကိုပေါင်းထည့်ပေးခြင်း၊ သို့မဟုတ် မာဂျင်ပမာဏမှ အရှုံးကိုနှုတ်ယူခြင်းများအား (စာချုပ်၏အကျိုးသက်ရောက်မှုရှိသောရက်စွဲတွင်) ဆောင်ရွက်ကြသည်။ သို့မဟုတ် မာဂျင်အကောင့်တွင်းရှိ လက်ကျန်ငွေသို့ပေါင်းထည့်ခြင်း၊ ထိုလက်ကျန်ငွေမှ နှုတ်ယူခြင်းများကို (စာချုပ်သက်တမ်းမကုန်ဆုံးခင်အထိ နေ့တနေ့ပြီးဆုံးတိုင်းတွင်) ဆောင်ရွက်ကြသည်။

စျေးကွက်တွင် အမှတ်အသားပြုခြင်း

Forward များအား စျေးကွက်တွင် မှတ်သား ထားခြင်းမရှိပါ။ ၎င်းတို့၏ ထင်ရှားသော အင်္ဂါရပ်မှာ သီးခြားဖြစ်တည်မှုနှင့် တိကျသော စျေးနှုန်း သတ်မှတ်ချက် ဖြစ်သည်။

Futures များအား စျေးကွက်အတွင်း နေ့စဥ်မှတ်သားထားသည်။ စာချုပ်သက်တမ်းကုန်ဆုံးရက်အထိ နေ့စဥ်ငွေစာရင်းရှင်းလင်းမှု ပြုလုပ်ပေးသည်။

တဖက်သတ်နစ်နာမှု

Forwards များ၏ သဘာဝအရ ကုန်သွယ်သူနှစ်ဖက်အနက် တဖက်တွင် ကြီးမားသော ဆုံးရှုံးနိုင်ခြေ ပါဝင်သည်။

Futures စာချုပ်များတွင် ကုန်သွယ်သူ နှစ်ဖက်စလုံး အတွက် ကြီးမားသော စွန့်စားမှု မပါဝင်ပါ။

ငွေလွှဲပြောင်းမှု အမှတ်အသား

Forwards များတွင် ငွေအလွှဲအပြောင်း နှစ်မျိုးသာ ပါဝင်သည်။ ဝယ်ယူသည့်အချိန်နှင့် စာချုပ်ပြီးဆုံး၍ ငွေပေးချေရမည့်အချိန် ဖြစ်သည်။

ငွေအလွှဲအပြောင်းလုပ်ငန်းစဥ်အား နေ့စဥ်ဆောင်ရွက်သည်။

ကတိဖျက်မှု

Forward များတွင် တဖက်သတ် ကတိဖျက်မှု အန္တရာယ်မြင့်မားသည်။

Futures စာချုပ်များတွင် တဖက်သတ်စာချုပ်ဖောက်ဖျက်ခြင်း မရှိသလောက်နည်းပါးသည် သို့မဟုတ် လုံးဝမရှိနိုင်ပါ။

စျေးနှုန်း

Forwards များသည် ပို၍ စျေးနှုန်းမြင့်မားသည်။

Futures များသည် ပို၍ စျေးသက်သာသည်။

Forward Contract

Futures Contract

အဆိုပြုချက်

Paradise Island သည် Mark ကဲ့သို့ စိုးရိမ်ပူပန်ခြင်းမရှိပဲ ၎င်း၏ စိုက်ခင်း များမှာ 100% ဘေးကင်းသည်ဟု ယုံကြည်သည်။ ထို့အပြင် ကုမ္ပဏီ သည် မကြာသေးခင်ကမှ စက်ပစ္စည်း အသစ်များကို ဝယ်ယူခဲ့ပြီး၊ တူညီသော ကုန်ကျစားရိတ်ဖြင့် ပိုများသော သရက်သီး အထွက်နှုန်းကို ရရှိစေရန် စီမံကိန်းရေးဆွဲထားပြီး ဖြစ်သည်။

Mark နှင့် Paradise Island သည် လာမည့် ၆လအတွင်း မည်သို့သော အကြောင်းတရားမျိုး ရှိလာပါစေ၊ သရက်သီး တပေါင်လျှင် ၅ဒေါ်လာဖြင့် အရောင်းအဝယ် လုပ်ရန် forward စာချုပ်တခုကို ပြုလုပ်ခဲ့ကြသည်။ ယခုမှစ၍ Mark သည် သရက်သီး ပေါင်တသောင်း (10000lb)အား တပေါင်လျှင် ၅ဒေါ်လာ​ဖြင့် ဝယ်ယူရန် ကတိပြုလိုက်ပြီ ဖြစ်သည်။ (၆လအတွက် ဒေါ်လာ ၅သောင်း)။ အကယ်၍များ တိုင်ဖွန်းမုန်တိုင်း ကြောင့် စိုက်ခင်းများ ပျက်စီးခဲ့သည်ရှိသော် Paradise Island သည် ကြိုတင် ညှိနှိုင်းထားသော သတ်မှတ်ချက် များအတိုင်းသာ သရက်သီးများကို ရောင်းချရမည်ဖြစ်သည်။

Paradise Island သည် သရက်သီး futures စာချုပ်တစောင်လျှင် ဒေါ်လာ တရာ့ငါးဆယ် နှုန်းဖြင့် စျေးဖွင့်သည်။ စာချုပ်တစောင်ချင်း သည် စတင်အကျိုးသက်ရောက်သည့်နေ့စွဲမှ ၆လအကြာတွင် သက်တမ်းကုန်ဆုံးမည် ဖြစ်သည်။ Mark သည် သရက်သီး futures အစောင်ငါးရာကို ဝယ်ယူရန် ဆုံးဖြတ်လိုက်သည်။ စာချုပ်တစောင်၏ အရွယ်အစားသည် သရက်သီး ပေါင်၃၀ (30lb) နှင့် ညီမျှသည်။ စာချုပ်အစောင် ငါးရာသည် သရက်သီး ပေါင်တသောင်းခွဲ (15000lb) နှင့် ညီမျှပြီး စုစုပေါင်းတန်ဖိုးမှာ ဒေါ်လာ ၇၅၀၀၀ဖြစ်သည် (တပေါင်လျှင် ၅ဒေါ်လာ ကျသင့်သည်)။ ကုမ္ပဏီခွဲခြမ်းစိတ်ဖြာမှုဌာန၏ လေးနက်သော ရလာဒ်အရ ဆိုင်ကလုန်း အန္တရာယ်ကျော်လွန်သွားပါက စက်ပစ္စည်း အသစ်များသည် သရက်သီးအထွက်နှုန်းကို ၃၀% ပိုမိုတိုးတက်စေမည်ဖြစ်သည်။

သုံးသပ်ချက်- စိုက်ခင်းများ ပျက်စီးခဲ့လျှင်

စိုက်ခင်းများပျက်စီး၍ သရက်သီး ရရှိမှု သိသိသာသာ လျော့ကျခဲ့သော အခါ၊ Paradise Island သည် အရှုံးကိုကာမိစေရန် သရက်သီး တပေါင်လျှင် ၈ဒေါ်လာ အထိ စျေးနှုန်း တိုးမြှင့်လိုက်သည်။ ထို့ကြောင့် ၆လစာ သရက်သီးဖိုးမှာ ယခုဆိုလျှင် ဒေါ်လာ ၈သောင်း ကျသင့်မည် ဖြစ်သည်။ သို့သော် Mark အနေဖြင့် တပေါင်လျှင် ၅ဒေါ်လာသာ ပေးချေရမည် ဖြစ်သောကြောင့် ကုန်ကျစားရိတ် ​​ဒေါ်လာ ၃သောင်းခန့် သက်သာသွားမည်ဖြစ်သည်။ Paradise Island အတွက်မူ ထိုပမာဏအား ဆုံးရှံးရခြင်းပင် ဖြစ်သည်။

နောက်တပတ်တွင် ကြီးမားသော သဘာဝအန္တရာယ်သည် အိန္ဒိယကမ်းရိုးတန်းရှိ သရက်စိုက်ခင်းများကို ဖျက်စီးပစ်လိုက်သည်။ သရက်သီးအတွက် futures တစောင်၏ တန်ဖိုးမှာ ၁၈၀ဒေါ်လာအထိ မြင့်တက်သွားခဲ့သည်။ Fututes များသည် derivative စာချုပ်များဖြစ်ကြသည်။ အဓိပ္ပါယ်မှာ ၎င်းတို့၏ တန်ဖိုးသည် လက်ရှိသရက်သီးပေါက်စျေးမှ ဆင်းသက်လာခြင်း ဖြစ်သည်။ ထို့ကြောင့် သရက်သီးစျေးနှုန်းများ သိသိသာသာမြင့်တက်လာသည်ဟု ကောက်ချက်ချနိုင်သည်။

ဤသုံးသပ်မှုအရ Mark သည် ၎င်း၏ futures စာချုပ်များအား တခြားတယောက်ကို ရောင်းချလိုက်ခြင်းအားဖြင့် ဒေါ်လာ တသောင်းခွဲ အမြတ်ရရှိမည်ဖြစ်သည်။ အဘယ်ကြောင့်ဆိုသော် ယခုအခါတွင် Mark ၏ လက်ဝယ်ရှိ futures စာချုပ်များ၏ တန်ဖိုးမှာ ဒေါ်လာ ၉သောင်း ဖြစ်၍သွားသောကြောင့်ဖြစ်သည်။

သုံးသပ်မှု-ဆိုင်ကလုန်းကြောင့် စိုက်ခင်းများ မပျက်စီးခဲ့လျှင်

အကယ်၍ သဘာဝဘေးအန္တရာယ် မကျရောက်ခဲ့လျှင်၊ Paradise Island သည် စက်ပစ္စည်းသစ်များကို အသုံးချ၍ သရက်သီးအထွက်နှုန်းကို တိုးမြှင့်နိုင်မည် ဖြစ်သည်။ အထွက်နှုန်း တိုးတက်လာသော ကြောင့် စျေးကွက်အတွင်း သရက်သီးများ ပိုမိုပေါများလာပြီး ကုမ္ပဏီသည် သရက်သီးတပေါင် လျှင် ၃ဒေါ်လာသို့ စျေးနှုန်း လျှော့ချလိုက်သည်။ မည်သို့ပင် ဖြစ်စေ Mark သည် သရက်သီးပေါင် တသောင်းအား သတ်မှတ်ချက် အတိုင်း ဝယ်ယူရမည်ဖြစ်ပြီး၊ သရက်သီးတပေါင်လျှင် ၂ဒေါ်လာ အပိုပေးရမည်ဖြစ်သည်။ Paradise Island သည် ဒေါ်လာ ၂သောင်း အကျိုးအမြတ်ကို ခံစားရမည် ဖြစ်သည်။

ကုမ္ပဏီ၏ ဘဏ္ဍာရေး ခွဲခြမ်းစိတ်ဖြာမှုဌာနမှ ခန့်မှန်းခဲ့သည့်အတိုင်း လုပ်ငန်းများ အရှိန်အဟုန်တိုးတက်လာပြီး သရက်သီးများ ပုံမှန်ထက်ပိုမို ရရှိခဲ့သည်။ ထို့ကြောင့် သရက်သီး futures တစောင်လျှင် ဒေါ်လာ တရာသို့ စျေးနှုန်းကျဆင်းခဲ့သည်။ ဤသုံးသပ်မှုတွင် Mark အနေနှင့် ဒေါ်လာ ၂၅၀၀၀ ဆုံးရှုံးမည် ဖြစ်သည်။ အဘယ်ကြောင့်ဆိုသော် Mark ၏ ကနဦးရင်းနှီးမြှုပ်နှံမှုတန်ဖိုးမှာ ဒေါ်လာ ၇၅၀၀၀ ဖြစ်ပြီး၊ ယခုအခါ ၎င်း၏ လက်ဝယ်ရှိ futures များမှာ ဒေါ်လာ ၅၀၀၀၀ သာတန်ဖိုးရှိခြင်းကြောင့် ဖြစ်သည်။ သို့သော်လည်း ထိုစာချုပ်များကို ဒေါ်လာ ၅၀၀၀၀ ဖြင့်ရောင်းချ၍ အရှုံးကိုကာမိစေရန် အခြားရင်းနှီးမြှုပ်နှံမှုအား ဆက်လက်လုပ်ဆောင်နိုင်သည်။